හිටපු ජනපති මහින්ද රාජපක්ෂ මහතා අද (29දා) පෙරවරුවේදීත් මහා පරිමාන වංචා පිළිබඳ ජනපති කොමිසමට පැමිණියේය.

ජනපතිවරණ සමයේදී ස්වාධීන රූපවාහිනී සේවයේ ප්‍රචාරය කළ දැන්වීම් හරහා එම ආයතනයට මූල්‍යමය අලාභයක් කර ඇතැයි කියන සිද්ධියක් සම්බන්ධයෙන් කරන විමර්ශන වලට අදාළව ඔහු ජනපති කොමිසමට පැමිණියේය.

ඊයේ අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේදී මාධ්‍යවේදින් පිළිබඳව කළ ප්‍රකාශය ගැන කනගාටු වන බවත් මාධ්‍යවේදීන්ට නිදහස ලබාදිය යුතු බවත් ඔහු කීවේය.