සංචාරක ශ්‍රී ලංකා කණ්ඩායම සහ දකුණු අප්‍රිකා කණ්ඩායම අතර පැවැත්වෙන දෙවන ටෙස්ට් ක්‍රිකට් තරගයේ තෙවන දිනය සඳහා වන තරගය අද (07දා) පැවැත්වේ. 

ඒ අනුව තරගය මෙරට වේලාවෙන් ප.ව.1.30ට ආරම්භ වීමට නියමිතව ඇත. 

ඊයේ (06දා) තරගය නතර කරන විට පන්දුවට පහර‍දෙමින් සිටි ශ්‍රී ලංකා කණ්ඩායම පන්දුවාර 67ක් අවසානයේ කඩුලු 03ක් දැවී ලකුණු 242ක් රැස් කරගෙන සිටියේය.

මෙම තරගයේ පළමුවෙන් පන්දුවට පහරදුන් දකුණු අප්‍රිකා කණ්ඩායම සිය පළමු ඉනිමට සියල්ලන් දැවී ලකුණු 358ක් රැස් කළේය.

ඒ අනුව මේ වන විට ශ්‍රී ලංකාව දකුණු අප්‍රිකා පළමු ඉනිමට වඩා තවත් ලකුණු 116ක් පිටුපසින් පසුවන්නේය.