එක්දින ලොක කුසලාන තරගාවලිය යටතේ ශ්‍රී ලංකා කණ්ඩායම හා එංගලන්ත කණ්ඩායම අතර පැවැති තරගයෙන් කඩුලු 8ක පහසු ජයක් වාර්තා කිරීමට ශ්‍රී ලංකා කණ්ඩායම සමත්විය.

මේ අනුව ප්‍රසාද ලකුණු සටහනේ තරග පහක් අවසානයේදී ශ්‍රි ලංකා කණ්ඩායම පස්වැනි ස්ථානය දක්වා ඉදිරියට පැමිණියේය. තරගයේ මුලින්ම පන්දුවට පහරදුන් එංගලන්ත කණ්ඩායම ලකුණු 156 ට සීමා කිරිමට ශ්‍රී ලංකා පන්දු යවන්නෝ සමත්වූහ.

ලකුණු 157ක ඉලක්කයක් හඹා ගිය ශ්‍රී ලංකා කණ්ඩායම පන්දුවාර 25.4කදී කඩුලු දෙකක් දැවී ලකුණු 160ක් රැස්කරමින් තරගය ජය ගත්තේය.

ලෝක කුසලාන තරගාවලිවලදී ශ්‍රී ලංකා කණ්ඩායම අඛණ්ඩවම එංගලන්තය හමුවේ ලැබූ පස්වැනි ජය මෙය වෙයි.

ශ්‍රී ලංකාව වෙනුවෙන් පිත්තෙන් දක්ෂතා දැක්වු පැතුම් නිශ්ශංක නොදැවී පන්දු 83කදී හතරේ පහර 7ක් හා හයේ පහර දෙකක් සමගින් ලකුණු 77ක් රැස්කළේය.

සදීර සමරවික්‍රම පන්දු 54කදී හතරේ පහර 7ක් හා හයේ පහරක් සමගින් ලකුණු 65ක් නොදැවී රැස්කළ අතර ඔවුන් දෙදෙනා තෙවැනි කඩුල්ල වෙනුවෙන් නොබිඳුනු ලකුණු 137ක සබඳතාවක් පැවැත්වීය.

ශ්‍රී ලංකාව වෙනුවෙන් පන්දු යැවීමේදී ලකුණු 35ට කඩුලු තුනක් දවාගැනීමට සමත්වීම හේතුවෙන් ඔහු තරගයේ වීරයා ලෙසින්ද සම්මාන ලැබීය.