සංචාරක ඇෆ්ගනිස්ථාන කණ්ඩායම සමගින් පැවැති දෙවැනි ඒක්දින තරගයද ලකුණු 155කින් ජයගැනීමට ශ්‍රී ලංකා කණ්ඩායම සමත්විය. ඒ් අනුව තරග තුනකින් සමන්විත ඒක්දින තරගාවලියද තවත් තරගයක් ඉතිරිව තිබියදීම ජයග්‍රහණය කිරීමට ශ්‍රී ලංකා කණ්ඩායම සමත්විය.

කාසියේ වාසිය දිනා මුලින්ම පන්දුවට පහරදුන් ශ්‍රී ලංකා කණ්ඩායම කඩුලු 6ට ලකුණු 308ක් රැස්කිරීමට සමත්විය. උපනායක චරිත් අසලංක පන්දු 74කදී වේගවත් ලකුණු 97ක් රැස්කිරීමට සමත්විය.

ඊට අමතරව නායක කුසල් මෙන්ඩිස්, සදීර සමරවික්‍රම හා ජනිත් ලියනගේ අර්ධ ශතක රැස්කිරීමට සමත්විය.

ලකුණු 309ක ජයග්‍රාහි ඉලක්කයක හඹා ගිය ඇෆ්ගනිස්ථාන කණ්ඩායම ලකුණු 153කට සීමා කිරීමට වනිඳු හසරංග  ප්‍රමුඛ පන්දු යවන්නෝ සමත්වූහ.

මෙහිදී  වනිඳු කඩුලු 4ක්, අසිත ප්‍රනාන්දු කඩුලු 2ක්, ඩිල්ෂාන් මධුශංක කඩුලු 2ක් හා ප්‍ර මෝද් මධුශාන් කඩුල්ලක් දවා ගැනීමට සමත්වූහ.