එක්සත් ජනපදයේ නිව්යෝක් ප්‍රාන්තයේ බෆලෝ හි සුපිරි වෙළෙඳසැලක වෙඩි තැබීමක් හේතුවෙන් පුද්ගලයන් 10දෙනෙකු පමණ ජීවිතක්ෂයට පත්ව ඇති බව විදෙස් වාර්තා පවසයි.

සෙනසුරාදා නිව්යෝක් ප්‍රාන්තයේ බෆලෝහි ප්‍රධාන කළු ජාතික අසල්වැසි ප්‍රදේශයක සුපිරි වෙළඳසැලක සිදුවූ මෙම වෙඩි තැබීමෙන් තවත් තිදෙනෙකු තුවාල ලබා ඇති බව බලධාරීහු පවසති.

නිලධාරීන් පැවසුවේ සැකකාර තුවක්කුකරු සුදු ජාතිකයෙකු වන අතර, ඔහු 18 හැවිරිදි වියේ පසුවන්නෙකු බවයි.

ඔහු ප්‍රහාරයට සූදානම් ඇඳුම්වලින් සැරසී, ප්‍රහාරය සිදු කිරීම සඳහා පැය කිහිපයක් බෆලෝ වෙත ගමන් කර ඇති බවත්, ඔහු සමාජ මාධ්‍ය ඔස්සේ එය සජීවීව විකාශය කර ඇති බවත් කියයි.

පේටන් ජෙන්ඩ්‍රොන් නමැති සැකකරුට මේ වනවිටත් මිනීමැරුම් සම්බන්ධයෙන් චෝදනා එල්ල වූ අතර ඔහු උසාවියට ​​ඉදිරිපත් කර තිබුණි.

වෙඩි ප්‍රහාරයට ලක්වූ පුද්ගලයන් 13දෙනාගෙන් 11දෙනෙකුම කළු ජාතිකයන් වන අතර FBI විසින් සමූහ වෙඩි තැබීම වෛරී අපරාධයක් සහ වාර්ගික අභිප්‍රේරිත ප්‍රචණ්ඩ අන්තවාදයක් ලෙස විමර්ශනය කරයි.

ධවල මන්දිරය සෙනසුරාදා ප්‍රකාශ කළේ ස්වදේශීය ආරක්ෂක උපදේශක විසින් මාරාන්තික සමූහ වෙඩි තැබීම පිළිබඳව ජනාධිපති ජෝ බයිඩන් දැනුවත් කර ඇති බවයි.