ඉන්දියාව ධනවත් ජාතීන් සඳහා ප්‍රබල පණිවිඩයක් ලබාදෙමින්, COP26 දේශගුණික සාකච්ඡාවලට ගොස් ඇත්තේ, දේශගුණික ක්‍රියාකාරකම් වැඩි කිරීමේදී පළමුව ඔබේ නිවස පිළිවෙලට තබා ගන්නා ලෙස පවසමිනි.
දකුණු ආසියාතික රට ශුද්ධ ශුන්‍ය කාබන් විමෝචන ඉලක්කයක් ප්‍රකාශයට පත් කරන ලෙස කරන ලද ඉල්ලීම් ප්‍රතික්ෂේප කරමින් සඳහන් කර තිබුණේ, දේශගුණ අර්බුදයේ ඓතිහාසික වරද සංවර්ධිත ජාතීන් වෙත පැවරී ඇති බවයි.
චීනයට සහ එක්සත් ජනපදයට පසුව ලෝකයේ තුන්වන විශාලතම හරිතාගාර වායු විමෝචනය කරන ඉන්දියාව, ශතවර්ෂයේ මැද භාගය වනවිට හෝ ඒ ආසන්න වනවිට කාබන් උදාසීන වීමේ සැලසුම් ලබන සතියේ ග්ලාස්ගෝ හි පැවැත්වෙන දේශගුණික සමුළුවේදී ප්‍රකාශයට පත් කිරීම සම්බන්ධයෙන් ජාත්‍යන්තර පීඩනයකට ලක්ව සිටියි.
කෙසේ වෙතත් ඉන්දීය පරිසර ලේකම් ආර්.පී.ගුප්තා පැවසුවේ ඉන්දියාව ගෝලීය උණුසුම ඉහළ යාමේ "ගොදුරක්" මිස "දායකයෙකු නොවන" බවයි. ඔහු වාර්තාකරුවන්ට පැවසුවේ ශුද්ධ ශුන්‍ය ඉලක්කයක් ප්‍රකාශ කිරීම දේශගුණ අර්බුදයට විසඳුම නොවන බවයි.
