ඊජිප්තු ජනාධිපති අබ්දෙල් ෆටා එල්-සිසි සිය කැබිනට් සංශෝධනයෙන් පසු රටේ නව අමාත්‍යවරුන් දිවුරුම්දීම සිදුවිය.
අමාත්‍යාංශ 13කට බලපාන පරිදි අමාත්‍ය මණ්ඩල සංශෝධනයට පසුගිය සෙනසුරාදා පාර්ලිමේන්තුවේ අනුමැතිය හිමිව තිබුණි.
එය 2019 වසරෙන් පසු සිදු වූ පළමු ප්‍රධාන සංශෝධනය වන අතර, රාජ්‍යයේ සහ එහි හැකියාවන්ගේ අවශ්‍යතා ආරක්ෂා කිරීමට සහ සෘජුවම වැඩිදියුණු කිරීමට දායක වන අභ්‍යන්තර හා බාහිර වශයෙන් වැදගත් අංශ කිහිපයක රාජ්‍ය කාර්ය සාධනය වැඩිදියුණු කිරීම සඳහා මෙම සංශෝධන සිදු කරන ලද බව ජනාධිපතිවරයා කීය.
කැබිනට් සංශෝධනයෙන් රාජ්‍ය ව්‍යවසාය, ජල සම්පත් සහ වාරිමාර්ග, වෙළෙඳ හා කර්මාන්ත සහ සංචාරක අමාත්‍යාංශවල ප්‍රධානීන් වෙනස් විය.
කෙසේ වෙතත් මූල්‍ය, විදේශ කටයුතු සහ සැපයුම ඇතුළු ප්‍රධාන අමාත්‍ය කලඹ නොවෙනස්ව පැවතුනි.
