කොවිඩ්-19 වසංගතය, දේශගුණික අර්බුදය සහ සෑම තැනකම ගැටුම් ඇති කර ඇති භූ දේශපාලන ආතතීන් හේතුවෙන් වසර පහකට පෙර පැවති ලෝකයට වඩා බොහෝ ආකාරවලින් ලෝකය නරක අතට හැරෙන බව සිය දෙවැනි ධුර කාලය ආරම්භ කළ එක්සත් ජාතීන්ගේ මහලේකම් ඇන්ටෝනියෝ ගුටරෙස් පවසයි.

සම්මුඛ සාකච්ඡාවකදී ගුටරෙස් පැවසුවේ 2017 ජනවාරි 01 වැනි දින එක්සත් ජාතීන්ගේ ප්‍රධාන තනතුරේ පළමු වැනි දිනයේ ඔහු නිකුත් කළ සාමය සඳහා වන ආයාචනය සහ ගැටුම් වැළැක්වීමට සහ ගෝලීය අසමානතාවන්ට මුහුණදීමට උත්සාහ කිරීමේ ඔහුගේ පළමු ධුර කාලයේ ප්‍රමුඛතාවන් වන කොවිඩ්-19 අර්බුදය සහ උණුසුම් වන පෘථිවිය තුළ තවම පැහැදිලි වෙනසක් නොදකින බවයි.

"එක්සත් ජාතීන්ගේ මහලේකම්වරයාට බලයක් නැහැ" ගුටරෙස් පැවසීය. "අපිට බලපෑමක් කරන්න පුළුවන්, මට ඒත්තු ගන්වන්න පුළුවන්, මට මැදිහත් වෙන්න පුළුවන්, නමුත් මට බලයක් නැහැ."

එක්සත් ජාතීන්ගේ ප්‍රධානියා වීමට පෙර තමන්, “මේ තනතුරට කැඳවුම්කරුවෙකු, මැදිහත්කරුවෙකු, පාලම් සාදන්නෙකු සහ සම්බන්ධ වූ සෑම කෙනෙකුටම ප්‍රයෝජනවත් වන විසඳුම් සෙවීම සඳහා අවංක තැරැව්කරුවෙකු වීමට මා අපේක්ෂා කළා” යැයි ගුටරෙස් පැවසීය.