කොරෝනා වසංගතයේ ලොක්ඩවුන් සීමා මැද, පසුගිය වසරේ නත්තල් සාදයක් සම්බන්ධ වීඩියෝවක් ප්‍රසිද්ධ වීමත් සමග එල්ල වූ විවේචන හේතුවෙන් COP26 දේශගුණ සමුළුවේ එක්සත් රාජධානියේ රජයේ ප්‍රකාශක ලෙස කටයුතු කළ ස්ට්‍රැටන් ඉල්ලා අස්වී තිබේ.
මෙම කාලය වනවිට ලන්ඩනය අදියර 3 සීමාවන් යටතේ පැවති අතර, කුටුම්භ අතර ගෘහස්ථව ජනයා ඒකරාශී වීම තහනම් කර තිබුණි. එමෙන්ම ඇය එවකට බ්‍රිතාන්‍ය අගමැති බොරිස් ජොන්සන්ගේ මාධ්‍ය ලේකම්වරිය ලෙසද කටයුතු කළාය.
ඒ අනුව ස්ට්‍රැටන් බදාදා ප්‍රකාශයක් නිකුත් කරමින් කියා සිටියේ වීඩියෝව අවධානය වෙනතකට යොමු කිරීම නිසා ඇය මෙම තීරණය ගත් බවයි. "කොවිඩ්-19 ට එරෙහි සටනේදී බ්‍රිතාන්‍ය ජනතාව විශාල කැපකිරීම් කර තිබෙනවා. මගේ අදහස් එම සටනට බාධාවක් වී ඇතැයි මම දැන් පසුතැවිල්ලට පත්ව සිටිනවා" ස්ට්‍රැටන් පැවසීය.
මේ අතර, අගමැති ජොන්සන්ද සිද්ධිය සහ එය ලබා දුන් හැඟීම ගැන බ්‍රිතාන්‍ය ජනතාවගෙන් සමාව අයැද සිටියේය.
