රුසියාවේ ෆෙඩරල් ආරක්ෂක සේවය විසින් ඇඩොල්ෆ් හිට්ලර්ගේ අවසන් පැය පිළිබඳ තොරතුරු අනාවරණය කර තිබේ. 1945 අප්‍රේල් 30 වැනි දින හිට්ලර් සියදිවි නසා ගත්තේ, යුරෝපයේ දෙවන ලෝක යුද්ධය ඵලදායී ලෙස අවසන් කරමින් සෝවියට් හමුදා බර්ලින් අල්ලා ගැනීමට දින කිහිපයකට පෙරදීය. ඔහුගේ සිරුර පෙට්‍රල් දමා පුළුස්සා තිබිණු බව කියැවේ.
දශකයකට වැඩි කාලයක් හිට්ලර් වෙනුවෙන් සේවය කළ ලුතිනන් ජෙනරාල් හාන්ස් බවර් 1945 මැයි 2 වන දින සෝවියට් සොල්දාදුවන් විසින් අල්ලා ගන්නා ලද අතර මොස්කව්හිදී නඩු විභාගයට මුහුණ දුන්නේය. රුසියාවේ ෆෙඩරල් ආරක්ෂක සේවය බවර්ගේ ලිපි ගොනුවෙන් මෙම රහසිගත ලේඛන ප්‍රකාශයට පත් කළේය.
නාසි නායකයා සහ ඔහුගේ බිරිඳ ඊවා බ්‍රවුන් සියදිවි නසා ගැනීමට ටික වේලාවකට පෙර 1945 අප්‍රේල් 30 වන දින හිට්ලර් සමග සිදු වූ අවසන් සංවාදය බවර් විස්තර කළේය. බවර්ට අනුව, ඔහුගේ අවසාන දිනවලදී හිට්ලර් මහලු හා බිඳෙනසුලු පෙනුමක් ඇති ඔහුගේ නිල නිවසින් පිටව ගියේ නැත. බවර් ප්‍රකාශ කළ පරිදි ඔහුගේ දෑත් වෙව්ලන්නට වූ අතර ඔහුගේ අභිප්‍රාය පැහැදිලි විය.
"හිට්ලර් මාව ශාලාවේදී මුණගැසී මාව ඔහුගේ කාමරයට ගෙන ගියා. ඔහු මට අත දී මෙසේ කිව්වා. 'බවර්, මට ඔබෙන් සමු ගැනීමට අවශ්‍යයි, වසර ගණනාවක සේවයට ඔබට ස්තූති කිරීමට මට අවශ්‍යයි" බවර් විස්තර කළේය.
පසුව බවර්ගේ සාක්ෂියට අනුව හිට්ලර්ට ඔහුගේ ප්‍රියතම චිත්‍රය වන මහා ප්‍රසියානු රජු වන රෙම්බ්‍රාන්ඩ්ගේ ප්‍රතිමූර්තිය තෑග්ගක් ඔහුට ලෙස දීමට අවශ්‍ය වී තිබේ. බවර් මේ මොහොතේ හිට්ලර්ට සියදිවි නසා නොගන්නා ලෙස ඒත්තු ගැන්වීමට උත්සාහ කර ඇත්තේ එසේ වුවහොත් මේ මොහොතේ "සියල්ල කඩා වැටෙනු ඇති" බව පවසමිනි.
"මගේ සොල්දාදුවන්ට තවදුරටත් රැඳී සිටීමට නොහැකියි. මට එය තවදුරටත් දරාගත නොහැකයි" හිට්ලර්ගේ ප්‍රතිචාරය වී ඇත.
මරණයෙන් පසු ඔහුගේ සහ බ්‍රවුන්ගේ සිරුරු "වහාම" පුළුස්සා දැමීමට අණ කළ බව ඔහු බවර්ට හෙළි කළේය. හිට්ලර් මෙම ප්‍රාර්ථනාව පැහැදිලි කර තිබුණේ, වර්ෂ 1945 අප්‍රේල් මස මරණ දණ්ඩනයට ලක් කිරීමෙන් පසු ඔවුන්ගේ සිරුරු මිලාන්හි මහජන ප්‍රදර්ශනය සඳහා එල්ලා තැබූ ඉතාලි ආඥාදායක බෙනිටෝ මුසෝලිනි සහ ඔහුගේ අනියම් බිරිඳගේ දේහයට සමාන ඉරණමක් ඔවුන්ගේ සිරුරුවලට අත්වනු ඇතැයි යන බියෙනි.
සංවාදයෙන් පැය කිහිපයකට පසු, ඔහු ලිපි ලේඛන පුළුස්සා බර්ලිනය හැර යාමට සූදානම් වූ විට, බවර් නැවත රෙම්බ්‍රාන්ඩ් විශිෂ්ට කෘතිය එකතු කිරීමට පැමිණි ඇත. කෙසේ වෙතත් ඒ වනවිට සියල්ල අවසන් වී ඇති බව දැනගෙන තිබේ. හිට්ලර් සහ බ්‍රවුන්ගේ මළ සිරුරු ඒ වන විටත් ගිනි තබා තිබූ බව බවර්ට දැනගන්නට ලැබී තිබේ.
