ෆර්ඩිනන්ඩ් රොමියුල්ඩෙස් මාකෝස් පිලිපීනයේ 17 වැනි ජනාධිපතිවරයා ලෙස දිවුරුම් දුන්නේ රට තුළ ආහාර සුරක්ෂිතතාව ඇති කිරීමට ප්‍රමුඛත්වය දෙන බවට ප්‍රතිඥා දෙමිනි.

හිටපු ජනාධිපති ෆර්ඩිනන්ඩ් මාකෝස්ගේ 64 හැවිරිදි පුත්‍රයා, ඔහුගේ 92 හැවිරිදි මව ඉමෙල්ඩා සහ අනෙකුත් පවුලේ සාමාජිකයින් ඉදිරියේ මැනිලාහි ජාතික කෞතුකාගාරයේ දිවුරුම් දෙනු ලැබීය.

"කෘෂිකාර්මික භූමිකාව, මේ වනවිට එහි නොසලකා හැරීම සහ වැරදි මඟපෙන්වීම ඉල්ලා සිටින හදිසි අවධානයට අප ප්‍රමුඛත්වය දෙනවා" කෘෂිකර්ම අමාත්‍යවරයා ලෙස තමන්ව පත් කළ මාකෝස් දිවුරුම් දීමෙන් පසු පැවසීය.

සමාරම්භක උත්සවය සඳහා අගනුවර පුරා 15,000කට අධික පොලිස් සහ ආරක්ෂක නිලධාරීන් යොදවා ඇත. විදේශීය සම්භාවනීය අමුත්තන්, රාජ්‍ය තාන්ත්‍රිකයින් සහ පිලිපීනයේ හිටපු ජනාධිපතිවරුන් තිදෙනෙකු වන ෆිදෙල් රමෝස්, ජෝසප් එස්ට්‍රාඩා සහ ග්ලෝරියා මැකපාගල්-අරෝයෝ සහභාගී වූහ.

දිවුරුම් දීමේ උත්සවයට පෙර, ඉවත්ව යන ජනාධිපති රොද්‍රිගෝ දුතාර්තේ විසින් ජනාධිපති මන්දිරයේදී මාකෝස් පිළිගත්තේය.

කෙසේ වෙතත්, මේ වනවිට උග්‍රවී ඇති විරැකියාව, උද්ධමනය, දල දේශීය නිෂ්පාදිතයට (GDP) සාපේක්ෂව ඉහළ ණය සේවා අනුපාතයන් මෙන්ම, රොකට් ගසන ගෑස් සහ තෙල් මිල වැනි පිලිපීනය වටකරමින් සිටින ගැටලු රැසකට මාකෝස් පරිපාලනය විසඳුම් ලබාදීමට සිදුවනු ඇත.

උද්ධමනය කළමනාකරණය කිරීම ජනාධිපතිවරයාගේ කළ යුතු දේ ලැයිස්තුවේ ඉහළින්ම ඇත. රටේ මිලියන 110කට ආසන්න ජනගහනයෙන් 23.7%ක් දරිද්‍රතාවයේ ජීවත් වන බව රජයේ දත්ත පෙන්වා දෙයි.