උණ, හිසරදය, ඉදිමීම, කොන්දේ කැක්කුම, මාංශ පේශි කැක්කුම සහ තෙහෙට්ටුව මන්කිපොක්ස් ආරම්භක රෝග ලක්ෂණ ලෙස සඳහන් වෙයි.
වඩාත් බරපතල රෝගාබාධයකින් පෙළෙන පුද්ගලයින්ගේ මුහුණේ සහ අත්වල කුෂ්ඨ සහ තුවාල ඇති විය හැකි අතර, එය ශරීරයේ අනෙකුත් කොටස්වලට පැතිරෙයි.
ලෝක සෞඛ්‍ය සංවිධානය (WHO) බ්‍රහස්පතින්දා ප්‍රකාශ කළේ ලොව පුරා රටවල් 20ක මන්කිපොක්ස් රෝගීන් වාර්තා වී ඇති බැවින් මෙම වෛරස් රෝගය වැලඳුණු තවත් රෝගීන් අපේක්ෂා කරන බවයි.
මේ අතර, ටැන්සානියානු සෞඛ්‍ය බලධාරීන් අගභාගයේදී යුරෝපයේ සමහර රටවල මන්කිපොක්ස් පැතිරීම පිළිබඳව අනතුරු ඇඟවීමක් නිකුත් කළේය.
සෞඛ්‍ය නියෝජ්‍ය අමාත්‍ය ගොඩ්වින් මොලෙල් නිවේදනයක් නිකුත් කරමින් කියා සිටියේ මන්කිපොක්ස් සහ අනෙකුත් බෝවන රෝගවලට එරෙහිව මහජනතාව ආරක්ෂිත පියවර ගත යුතු බවයි.
"මේ වන විට ටැන්සානියාවේ මන්කිපොක්ස් ආසාදිතයන් වාර්තා වී නැහැ" යනුවෙන් මොලෙල් පැවසුවේ, රෝගී සතුන් හෝ මලකුණු ස්පර්ශ කිරීමෙන් හෝ ආහාරයට ගැනීමෙන් වළකින ලෙස මෙන්ම, රෝගී සතෙකු විසින් භාවිත කරන ලද ඕනෑම දෙයක් ස්පර්ශ කිරීමෙන් වළකින ලෙස මහජනතාවට අවවාද කරමිනි.
