බ්‍රසීලයේ පෙට්‍රොපොලිස් හි මඩ නායයෑම් සහ ගංවතුර හේතුවෙන් මියගිය සංඛ්‍යාව 117ක් දක්වා ඉහළ ගොස් ඇති අතර, කලාපය තුළ සියවසකට ආසන්න කාලයක් තුළ ඇදහැලුණු අධිකම වර්ෂා තත්ත්වය නිසා සිදුවූ මෙම ස්වභාවික විපතේ මරණ සංඛ්‍යාව තවදුරටත් ඉහළ යනු ඇතැයි අපේක්ෂා කෙරේ.

නගරයේ සෙන්ටිමීටර 6 (අඟල් 2.36) පමණ වර්ෂාපතනය විසින් පාංශු අස්ථාවරත්වයක් ඇති කළ අතර දිවි ගලවා ගත් අය සොයා ගැනීමට සහ සුන්බුන් පිරිසිදු කිරීමට දරන උත්සාහයන්ද කඩාකප්පල් විය.

700කට වැඩි පිරිසකට තම නිවෙස් අතහැර ප්‍රාදේශීය පාසල්වල සහ වෙනත් තාවකාලික නවාතැන් වල නවාතැන් ගැනීමට සිදුවිය. රියෝ ද ජැනයිරෝ ආණ්ඩුකාර ක්ලෝඩියෝ කැස්ත්‍රෝ සිදු වූ හානිය යුද කලාපයකට සංසන්දනය කළේය.

පෙට්‍රොපොලිස් නගරාධිපති කාර්යාලය මහජන ආපදා තත්ත්වයක් ප්‍රකාශයට පත් කළ අතර විපතට පත් වූවන්ට උපකාර කිරීම සඳහා වෛද්‍ය කණ්ඩායම් පිටත් කර යවන ලදී.