ඇමෙරිකානු ජනාධිපති ජෝ බයිඩන් සෙනසුරාදා සිය බයිසිකලයෙන් වැටී ඇත්තේ වාර්තාකරුවන් සහ නරඹන්නන් විශාල පිරිසක් ඉදිරියේ බයිසිකලයෙන් බැසීමට උත්සාහ කිරීමේදීය.
ජනාධිපතිවරයා කියා සිටියේ තම පාදය ඇඟිලි පැඩල් ක්ලිප් එකක පැටලී ඇති බවත්, එය නැවැත්වීමෙන් පසු කකුල බිම තබාගැනීමට නොහැකිව එය පෙරළුණු බවත්ය.
සෙසු අයගේද උදව් ඇතිව ඔහු ඉක්මනින්ම නැගී සිටිමින් මාධ්‍යවේදීන්ගේ ප්‍රශ්න කිහිපයකට පිළිතුරු දීමට පෙර මම හොඳයි කියා කීවේය.
ඇමෙරිකාවේ වයස්ගතම ජනාධිපතිවරයා වන 79 හැවිරිදි බයිඩන් සහ ජනාධිපති ආර්යාව වන ජිල් සති අන්තය ගතකිරීමට රිහෝබෝත් බීච් හි පිහිටි ඔහුගේ නිවාඩු නිවහන වෙත යන අතරතුර නිතර බයිසිකල් පදින බව කියයි. පසුගිය සිකුරාදා ඔවුන් සිය 45 වැනි විවාහ සංවත්සරය සමරා තිබේ.
