ජනාධිපති ජෝ බයිඩන්ගේ වයස ධවල මන්දිරයට වැඩි වැඩියෙන් ප්‍රශ්නයක් වෙමින් පවතින බව නිව්යෝක් ටයිම්ස් වාර්තා කරයි.
නම ප්‍රසිද්ධ නොකළ නිලධාරීන් උපුටා දක්වමින්, එක්සත් ජනපද නායකයාගේ “ශක්ති මට්ටම” කලින් තිබූ ආකාරයට නොවන බව පිළිගත් ඔවුන්, වයෝවෘද්ධ ජනාධිපතිවරයා ගැන නිහඬව බලාගන්නා බව කියා තිබේ.
ජනාධිපතිවරයාගේ වයස දැනටමත් ඔහුගේ දින චර්යාවට බලපා ඇති බව පවසන ඔවුන්, විශේෂයෙන් එය ඔහුගේ විදේශ සංචාර කාලසටහන වෙනස් කිරීමට ධවල මන්දිරය පොළඹවා ඇති බවද පවසයි.
ලබන සතියේ මැද පෙරදිග සිය සිව් දින සංචාරය ආරම්භ කිරීමට සූදානම් වන බයිඩන්, පසුගිය මාසයේ යුරෝපයට කළ සංචාරයෙන් පසුව එය සිදු කරනු ඇතැයි මුලින් අපේක්ෂා කරන ලදී.
