රුසියානු ජනාධිපති ව්ලැදිමීර් පූටින් ලබන සතියේ ටර්ක්මෙනිස්තානය සහ ටජිකිස්තානයේ සංචාරය කරනු ඇති අතර එය පෙබරවාරි 24 වැනි දින යුක්රේනයේ හමුදා මෙහෙයුම දියත් කිරීමෙන් පසු ඔහුගේ පළමු විදේශ සංචාරය බවට පත්ව තිබේ.
ඒ අනුව, පූටින්, ටජිකිස්තාන ජනාධිපති එමෝමාලි රහ්මන් සමග සාකච්ඡා පවත්වනු ඇත. නායකයින් දෙදෙනා සඳහා සාකච්ඡා වටයක් මෙන්ම, රාත්‍රී භෝජන සංග්‍රහයක්ද සැලසුම් කර ඇති බව ටජිකිස්තාන මාධ්‍ය වාර්තා කරයි.
මැයි 9 වැනි දින මොස්කව්හි පැවති විජයග්‍රාහී පෙළපාලියට සහභාගී වූ එකම විදේශීය රාජ්‍ය නායකයා ටජික් නායකයා බවට පත් වූ විට පුටින් සහ රහ්මොන් පසුගිය මාසයේ දැනටමත් එකිනෙකා මුණගැසී ඇත.
අනතුරුව රුසියානු ජනාධිපතිවරයා තවත් මධ්‍යම ආසියාතික රටක් වන ටර්ක්මෙනිස්තානය වෙත යන අතර එහිදී ජූනි 29දා VI කැස්පියන් සමුළුව පැවැත්වීමට නියමිතය.
රුසියාව, ඉරානය, කසකස්තානය, අසර්බයිජානය සහ ටර්ක්මෙනිස්තානය යන කැස්පියන් මුහුදට ප්‍රවේශය ඇති රටවල නායකයින් අෂ්ගාබාත් අගනුවරදී මෙම සමුළුවට සහභාගී වෙයි.
බීජිං හි ශීත ඍතු ඔලිම්පික් ක්‍රීඩා උළෙල විවෘත කිරීම සහ චීන ජනාධිපති ෂී ජින්පිං සමග සාකච්ඡා කිරීම සඳහා පෙබරවාරි මස මුලදී පූටින් චීනය වෙත සිදුකළ සංචාරයෙන් පසු, රුසියාවෙන් පිටත පූටින්ගේ පළමු සංචාරයද මෙය වෙයි.
