යුක්රේන හමුදාව සඳහා NASAMS (ජාතික උසස් මතුපිට සිට ගුවනට මිසයිල පද්ධති) නිෂ්පාදනය කිරීම සඳහා පෙන්ටගනය එක්සත් ජනපද ආයුධ නිෂ්පාදක රේතියොන් සමග ඩොලර් මිලියන 182ක ගිවිසුමක් අත්සන් කර තිබේ.

කෙටි හා මධ්‍යම දුර ගුවන් ආරක්ෂක ආයුධ පිළිබඳ වැඩ කටයුතු 2024 අගෝස්තු 23 වැනි දින ඇස්තමේන්තුගත අවසන් දිනය සමග මැසචුසෙට්ස් හි ටෙව්ක්ස්බරි හි පිහිටි රේතියොන් පහසුකම්වලදී සිදු කෙරෙනු ඇති බව එක්සත් ජනපද ආරක්ෂක දෙපාර්තමේන්තුව සිකුරාදා නිවේදනයක් නිකුත් කරමින් කියා සිටියේය.

මෙම සතිය මුලදී, එක්සත් ජනපද ජනාධිපති ජෝ බයිඩන් රුසියාව සමග ඇති ගැටුම මධ්‍යයේ යුක්රේනය සඳහා තවත් හමුදා ආධාර පැකේජයක් නිවේදනය කළේය. ඩොලර් බිලියන 2.98ක් වන අත,ර එය මේ දක්වා විශාලතම වන අතර NASAMS පද්ධති හයක් ඇතුළත් වේ.