යුක්රේනය සම්බන්ධයෙන් රුසියානු ජනාධිපති ව්ලැදිමීර් පූටින් වෙත එලෝන් මස්ක්ගේ ද්වන්ධ සටන් අභියෝගයට ක්‍රෙම්ලිනය තවමත් ප්‍රතිචාර දක්වා නොමැති අතර, ටෙස්ලා සහ ස්පේස්එක්ස් ප්‍රධානියා, මෙම සටන සඳහා චෙච්නියා ප්‍රධානී රම්සාන් කදිරොව්ගේ පුහුණු උපදෙස් ලබා ගැනීමෙන් පසු ඔහුගේ නම එලෝනා ලෙස වෙනස් කර ඇති බවද කියයි.
ලොව ධනවත්ම පුද්ගලයා සඳුදා රුසියානු ජනාධිපතිවරයාට අභියෝගයක් කරමින් ට්විටර් පණිවුඩයක් නිකුත් කළේ, යුක්රේනය ඕට්ටුවට තබමිනි. කෙසේ වෙතත් කදිරොව් අඟහරුවාදා ඔහුගේ ටෙලිග්‍රාම් ගිණුමේ මේ ගැන සිය අදහස පළ කරමින්, එලෝනා මස්ක්ට වඩා පූටින් අවුරුදු 19ක් වැඩිමල් විය හැකි නමුත් පුළුල් සටන් කලාවේ පළපුරුද්දක් ඇති රුසියානු නායකයා සමග ගැටුමට නොයන ලෙස උපදෙස් ලබාදී තිබේ.
"බර කාණ්ඩ බෙහෙවින් වෙනස්" කදිරොව් පැවසුවේ, "මස්ක් ව්‍යාපාරිකයෙක් සහ ට්විටර් බ්ලොග්කරුවෙකු වන අතර, පුටින් ලෝක දේශපාලනඥයෙක්, බටහිර සහ ඇමෙරිකා එක්සත් ජනපදයට අනුව උපායමාර්ගිකයෙක් සහ වසංගතයක්" යනුවෙනි.
"වඩා දුර්වල ප්‍රතිවාදියෙකු පරාජය කරන විට ව්ලැදිමීර් පූටින් ක්‍රීඩාශීලී නොවන බවක් පෙනෙනු ඇති" කදිරොව් තවදුරටත් පැවසුවේ, "මෘදු එලෝනා ම්ලේච්ඡ එලෝන්" බවට පරිවර්තනය කිරීම සඳහා සුප්‍රසිද්ධ චෙච්නියානු ක්‍රීඩාංගණ තුනක සුප්‍රසිද්ධ පුහුණුවක් ඔහුට අවශ්‍ය බව පවසමිනි.
මස්ක්, කදිරොව්ගේ පණිවිඩයේ ස්ක්‍රීන් ෂොට් එකක් සහ වචන පරිවර්තනයක් සමග පිළිතුරු සපයා ඇත.
