යුක්රේනයේ සිදුවන රුසියාවේ හමුදා මෙහෙයුම හෙළා දැකීම චීනය ප්‍රතික්ෂේප කිරීම හමුවේ චීනයෙන් එන ආරක්ෂක අභියෝගයට ප්‍රතිචාරයක් ලෙස ආසියාවේ හවුල්කරුවන් සමග සිය සහයෝගිතාව ගැඹුරු කිරීමට නේටෝව සැලසුම් කරන බව එක්සත් ජනපදය ප්‍රමුඛ සන්ධානයේ මහලේකම් ජෙන්ස් ස්ටෝල්ටන්බර්ග් හෙළිකර තිබේ.
සාමාජික රටවල මෙන්ම ෆින්ලන්තය, ස්වීඩනය, ජෝර්ජියාව සහ යුරෝපා සංගමයේ විදේශ අමාත්‍යවරුන්ට මෙම කණ්ඩායම සත්කාරකත්වය සපයන බව ඔහු නිවේදනය කළේය. කෙසේ වෙතත්, වත්මන් ආරක්ෂක අර්බුදයට ගෝලීය ඇඟවුම් ඇති බව පවසමින් ඕස්ට්‍රේලියාව, නවසීලන්තය, ජපානය සහ දකුණු කොරියාව වැනි ආසියා-පැසිෆික් හවුල්කරුවන්ටද ආරාධනා කර ඇති බව නෝර්වීජියානු ජාතික නිලධාරියා සඳහන් කළේය.
ඒ අනුව, යුක්රේනයේ හමුදා ගැටුමට හේතු වන නව මූලෝපායික සංකල්ප ගැන ඇමතිවරු සාකච්ඡා කරනු ඇත. එහිදී ප්‍රජාතන්ත්‍රවාදයේ ආරක්ෂාවට සහ නේටෝ රාජ්‍යයන්ගේ ආරක්ෂාවට පද්ධතිමය අභියෝගයක් වන ගෝලීය වේදිකාව මත චීනයේ වර්ධනය වන බලපෑම සහ බලහත්කාර ප්‍රතිපත්ති පිළිබඳ ප්‍රශ්නය මුලින්ම ඇතුළත් කරනු ඇති බවද හෙතෙම සඳහන් කළේය.
"රුසියාවේ ආක්‍රමණශීලීත්වය හෙළා දැකීමට චීනය අකමැති බවත්, ජාතීන්ට තමන්ගේ මාවත තෝරා ගැනීමට ඇති අයිතිය ප්‍රශ්න කිරීමට මොස්කව් හා එක්වී ඇති බවත් අපට පෙනෙනවා." ස්ටෝල්ටන්බර්ග් පැවසුවේය. "අධිකාරී බලතලවලට එරෙහිව ප්‍රජාතන්ත්‍රවාදී රටවල් ඔවුන්ගේ වටිනාකම් වෙනුවෙන් පෙනී සිටීමට කාලය එලැඹිලා." ඔහු වැඩිදුරටත් පැවසීය.
