නව කොවිඩ්-19 ආසාදිතයන්ගගේ වැඩිවීමක් මධ්‍යයේ වසංගත පාලන පියවරයන් වැඩිදියුණු කරමින් නිරෝධායන නිදහස් කිරීමේ වැඩසටහන අත්හිටුවන බව තායිලන්තය නිවේදනය කරයි.

තායිලන්තයේ Test & Go නිරෝධායන නිදහස් කිරීමේ යෝජනා ක්‍රමය සඳහා වන නව අයදුම්පත් නැවත දැනුම් දෙන තුරු අනුමත නොකරන බව රටේ කොවිඩ්-19 කාර්ය සාධක බලකාය වන කොවිඩ්-19 තත්ත්ව පරිපාලන මධ්‍යස්ථානය (CCSA) සඳහන් කළේය.

කෙසේ වෙතත් දැනට අනුමැතිය ලබා ඇති පුද්ගලයින්ට ජනවාරි 15දා ​​දක්වා නිරෝධායනය නොමැතිව තායිලන්තයට ඇතුළු විය හැකි බවද එම මධ්‍යස්ථානය පැවසීය.

සිකුරාදා, තායිලන්තයේ නව තහවුරු වූ නව ආසාදිතයන් 7,526ක් වාර්තා වූ අතර එය 2021 නොවැම්බර් 8න් පසු ඉහළම දෛනික අගය වෙයි. එමෙන්ම පසුගිය සතිය තුළ දෛනික සාමාන්‍ය ආසාදිතයන් ගණන 3,000ක් ඉක්මවා දෙගුණයකට වඩා වැඩි වී ඇත. CCSA දත්ත අනුව අනුව, පසුගිය පැය 24 තුළ තවත් මරණ 19ක් වාර්තා වී තිබේ.