වසර 70කට පසු දරුණුතම නියඟයෙන් පීඩා විඳින රටේ කෘෂිකාර්මික නිෂ්පාදනයෙන් දළ වශයෙන් තුනෙන් එකක් පමණ වන උතුරු ඉතාලියේ පෝ ගංගා කලාපයේ හදිසි තත්ත්වයක් ප්‍රකාශයට පත්කර තිබේ.
අවම වශයෙන් වසර අවසානය දක්වා ක්‍රියාත්මක වන හදිසි තත්ත්වය, උණුසුම් හා වියලි තත්ත්වයන්ට මුහුණ දීම සඳහා රජයට අමතර අරමුදල් සහ බලය ලබාදෙනු ඇත.
රජයේ නියෝගය බලධාරීන්ට වැඩි පහසුවක් ලබාදීමටත්, නිවාස සහ ව්‍යාපාර සඳහා ජලය සලාකනය කිරීම වැනි අවශ්‍ය නම් කඩිනම් පියවර ගැනීමටත් ඉඩ සලසයි.
පෝ යනු ඉතාලියේ දිගම ගංගාව වන නමුත් බොහෝ ප්‍රදේශ සිඳී ගොස් ඇති අතර ගොවීන් පවසන්නේ ප්‍රවාහය ඉතා දුර්වල බැවින් මුහුදු ජලය රට අභ්‍යන්තරයට කාන්දු වී වගාවන් විනාශ කරන බවයි.
