නාසා හි ජේම්ස් වෙබ් අභ්‍යවකාශ දුරේක්ෂය දෙසැම්බර් 24 වැනිදා දකුණු ඇමරිකාවේ ප්‍රංශ ගයනාවෙන් යුරෝපීය ඒරියන් රොකට්ටුවක් මගින් අභ්‍යවකාශ ගත කිරීමට නියමිත බව නාසා පරිපාලක බිල් නෙල්සන් තහවුරු කළේය.
හබල් අභ්‍යවකාශ දුරේක්ෂයේ අනුප්‍රාප්තිකයා ලෙස සැලකෙන ඩොලර් බිලියන 10ක වෙබ් අභ්‍යවකාශ දුරේක්ෂය, මුලින් සෙනසුරාදා උඩු ගුවනට යාමට නියමිතව තිබූ නමුත් දියත් කිරීමට සූදානම් වීමේදී ඇති වූ තාක්ෂණික දෝෂයක් නිසා එය දින හතරක ප්‍රමාදයක් ඇති විය. කෙසේ වෙතත් පසුව එය තවත් දින කිහිපයක් කල් දැමුණි.
එක්සත් ජනපද සහ යුරෝපීය අභ්‍යවකාශ නිලධාරීන් අවසාන වටයේ පරීක්ෂණයකින් පසුව දියත් කිරීමේ දිනයේ සිකුරාදා තහවුරු කරමින් අත්සන් කළහ.
මෙම වෙබ් අභ්‍යවකාශ දුරේක්ෂය මගින් මුල් තරු සහ මන්දාකිණි සෑදෙන කාලය දෙස ආපසු හැරී බලනු ඇති බව කියයි. එසේම පෘථිවියට සමීපව තාරකා වටා භ්‍රමණය වන ග්‍රහලෝකවල වායුගෝලය පරීක්ෂා කරයි. නාසා ආයතනය යුරෝපීය සහ කැනේඩියානු අභ්‍යවකාශ ඒජන්සි සමග එක්ව මෙම දැවැන්ත ව්‍යාපෘතියට සම්බන්ධ වේ.
නෙල්සන් පැවසුවේ, "මෙය මත බොහෝ දේ තිබෙනවා. විශ්වය පිළිබඳ සියලු ආකාරයේ නව අවබෝධය සහ හෙළිදරව් කිරීම් විවෘත කරාවි." යනුවෙනි.
