බටහිර ජාතීන්ගේ තාර්කික නොවන පියවරයන් හේතුවෙන් ලෝකය විශාල කැළඹීමක් අත්විඳීමට නියමිත බව ක්‍රෙම්ලිනයේ ප්‍රකාශක දිමිත්‍රි පෙස්කොව් පවසයි.
"බොහෝ දුරට, විශාල ගෝලීය කුණාටුවක් ආරම්භ වේවි" පෙස්කොව් සඳුදා ටාස් ප්‍රවෘත්ති සේවය සමග සම්මුඛ සාකච්ඡාවකදී අනතුරු ඇඟවීය.
“බොහෝ ආකාරවලින් ඒ සඳහා හේතු නිර්මාණය වී තිබෙනවා. නමුත් මෙම ආරම්භක කුණාටුව සඳහා ආත්මීය හේතු ද පවිතනවා. ඒවා එක්සත් ජනපදයේ, යුරෝපයේ, යුරෝපා සංගමයේ සහ තනි තනි යුරෝපීය රටවල බලධාරීන්ගේ පරම තාර්කික හා බොහෝ විට විකාර තීරණ සහ ක්‍රියා සමග සම්බන්ධයි" ඔහු පැවසීය.
යුක්රේනයේ හමුදා මෙහෙයුම සම්බන්ධයෙන් රුසියාවට එරෙහිව එක්සත් ජනපදය, යුරෝපා සංගමය සහ තවත් සමහර ජාතීන් විසින් පනවන ලද සම්බාධක බටහිර හරහා බලශක්ති මිල ඉහළ යාම සහ වාර්තාගත උද්ධමනය ඇති කිරීමට හේතු වී තිබේ.
"මේ තත්ත්වය තුළ රුසියාව තවමත් සාර්ව ආර්ථික ස්ථාවරත්වය පවත්වා ගැනීමට සමත් වී තිබෙනවා. එය සාක්ෂාත් කර ගැනීම සඳහා ඉතා තීව්‍ර, කල්පනාකාරී සහ ස්ථාවර කාර්යයක් සිදු කරනු ලැබුවා.”පෙස්කොව් සඳහන් කළේය.
බටහිර රටවල සීමාවන් කෘත්‍රිමව හඳුන්වා දෙන බැවින්, රුසියාවේ වෙළඳ හා ආර්ථික සබඳතා නැගෙනහිර දෙසට වැඩි අවධානයක් යොමු කිරීමට පටන් ගෙන ඇති බව ඔහු තවදුරටත් පැවසීය.
