ජපාන රජය සඳුදා පුරවැසියන්, සංවිධාන සහ පළාත් පාලන ආයතන සඳහා හදිසි අනතුරු ඇඟවීමක් නිකුත් කර ඇති අතර, අඟහරුවාදා උදෑසන සිට විදුලිය ඉතිරි කර ගැනීමට නිවාස සහ සමාගම්වලින් ඉල්ලා සිටියේ යම් අවස්ථාවක විදුලිය විසන්ධි විය හැකි බවටද අනතුරු අඟවමිනි.
මෙම ඉල්ලීම ටෝකියෝ සහ අනෙකුත් ප්‍රාන්ත අට සම්බන්ධයෙන් වන අතර, පසුගිය වසරේ ජනවාරි මාසයෙන් පසු ප්‍රථම වරට නිකුත් කරන ලදී.
මෙම අනතුරු ඇඟවීම සිදුකර ඇත්තේ රටේ නැගෙනහිර ටොහෝකු ප්‍රදේශයට ඔබ්බෙන් වූ දැවැන්ත භූමිකම්පාවකින් බලාගාර කිහිපයකට හානි සිදුවීමෙන් පසුවය. උණුසුම සඳහා වැඩි ඉල්ලුමක් අපේක්ෂා කරන බැවින්, ටෝකියෝහි අකාලික ශීත කාලගුණය, හිම පතනය සහ උෂ්ණත්වය 39F (4C) දක්වා තියුනු ලෙස පහත වැටීම බලශක්ති ගැටළුව උග්‍ර කර තිබේ.
ටෝකියෝ විදුලිබල සමාගම (TEPCO) අනතුරු ඇඟවූයේ දැනට පවතින විදුලි පරිභෝජන අනුපාතය නොවෙනස්ව පැවතුනහොත් දේශීය වේලාවෙන් රාත්‍රී 8 න් පසු මිලියන 2 සිට 3 දක්වා නිවාසවලට විදුලිය අහිමි විය හැකි බවයි.
