ජපානයේ අග්‍රාමාත්‍යවරයා ලෙස තේරී පත් වූ ෆුමියෝ කිෂිඩාට චීන ජනාධිපති ෂී ජින්පිං සිය සුබ පැතුම් එක්කර තිබේ.
චීනය සහ ජපානය සමීප අසල්වැසියන් දෙදෙනෙකු බවත්, දෙරට අතර සුහද හා සහයෝගී සබඳතා වර්ධනය කිරීම දෙරටේ ජනතාවගේ මූලික අවශ්‍යතා ඉටුකරන බවත් ආසියාවේ සහ ලෝකයේ සාමය, ස්ථාවරභාවය සහ සමෘද්ධිය සඳහා දායක වන බවත් ෂී සිය පණිවිඩයේ සඳහන් කළේය. .
නව අවශ්‍යතා සපුරාලන ද්විපාර්ශ්වික සබඳතාවක් ගොඩ නැගීමේ උත්සාහයක් ලෙස චීනය සහ ජපානය අතර ඇති දේශපාලන යුගයේ ලේඛන හතරේ ස්ථාපිත මූලධර්ම පිළිපදින්න, සංවාදය සහ සන්නිවේදනය ශක්තිමත් කර, අන්‍යෝන්‍ය විශ්වාසය සහ සහයෝගීතාව ඉහළ නංවන ලෙස ඔහු දෙපාර්ශවයෙන් ඉල්ලා සිටියේය.
එදිනම චීන අග්‍රාමාත්‍ය ලී කෙකියැන්ග් ද කිෂිඩාට සුබ පැතුම් පණිවිඩයක් යවා තිබේ.
ජපානයේ පාලක ලිබරල් ප්‍රජාතන්ත්‍රවාදී පක්ෂයේ නව නායක කිෂිඩා අද (04දා) පැවති පාර්ලිමේන්තු සැසි වාරයේදී එරට 100 වැනි අග්‍රාමාත්‍යවරයා ලෙස නිල වශයෙන් තේරී පත් විය.
