චීන ජාතික අභ්‍යවකාශ පරිපාලනය (CNSA) විසින් චීනයේ අධි-විභේදන බහු-මාදිලි රූපගත කිරීමේ චන්ද්‍රිකාව නිල වශයෙන් භාවිතයට ගෙන ඇති බව නිවේදනය කරන ලදී.
මෙම චන්ද්‍රිකාව 2020 ජූලි 3 වැනි දින උතුරු චීනයේ ෂාන්ෂි පළාතේ ටායියුවාන් චන්ද්‍රිකා දියත් කිරීමේ මධ්‍යස්ථානයෙන් දියත් කරන ලද්දකි. එහි කක්ෂගත පරීක්ෂණයේ සාරාංශ සමාලෝචනය 2021 දෙසැම්බර් 17 දින සම්පූර්ණ කරන ලදී.
පරීක්ෂණ ප්‍රතිඵලවලින් පෙනී යන්නේ චන්ද්‍රිකාව හොඳ තත්ත්වයේ පවතින බවත්, හොඳින් ක්‍රියා කරන බවත්, භාවිතයට ගත හැකි බවත්ය.
මෙම චන්ද්‍රිකාවට මැනුම් සහ සිතියම්කරණය, ස්වභාවික සම්පත්, හදිසි කළමනාකරණය, කෘෂිකර්මය, පාරිසරික පරිසරය, නේවාසික ඉදිකිරීම් සහ වන වගාව ඇතුළු කර්මාන්ත සඳහා ඉහළ නිරවද්‍ය දුරස්ථ සංවේදක රූප දත්ත සැපයිය හැකිය.
එමෙන්ම මෙය, රාජ්‍ය-පෞද්ගලික හවුල්කාරිත්ව ආකෘතිය අනුගමනය කරන චීනයේ පළමු වැනි සිවිල් අභ්‍යවකාශ පර්යේෂණ ව්‍යාපෘතියයි. එහිදී චන්ද්‍රිකා ඡායාරූප සංවර්ධනය, දත්ත ලබා ගැනීම සහ සැකසීම සඳහා රජය කටයුතු කරයි.
