චීනයේ අඟහරු ගවේෂණ යානයේ ටියාන්වෙන්-1 කක්ෂීය යානය විසින් මෙහෙයුම දියත් කර වසර දෙකක සංවත්සරය සනිටුහන් කරමින් රතු ග්‍රහලෝකයේ ෆෝබෝස් චන්ද්‍රයාගේ අධි-විභේදන ඡායාරූප එවා තිබේ.

චීනය 2020 ජූලි 23 වැනි දින ටියාන්වෙන්-1 මෙහෙයුම දියත් කළ අතර, රතු ග්‍රහලෝකයේ කක්ෂීය යානය, ලෑන්ඩර් යානය සහ රෝවරය එහිදී යවන ලදී. කක්ෂීය යානය 2021 පෙබරවාරි මාසයේදී අඟහරු කක්ෂයට ඇතුළු වූ අතර ලෑන්ඩරය සහ රෝවරය අඟහරු මත ස්පර්ශ කර 2021 මැයි මාසයේදී මෙහෙයුම් ආරම්භ කළේය.

අඟහරු ග්‍රහයා සතුව කුඩා ස්වභාවික චන්ද්‍රයන් දෙදෙනෙකු ඇති අතර, ෆෝබෝස් සහ ඩයිමෝස් ලෙස ඒවා සැලකෙයි. ෆෝබෝස් යනු ඒ දෙකින් විශාල චන්ද්‍රයාය.

එය අඟහරු මතුපිට සිට කිලෝමීටර් 6,000ක් ආසන්න කවාකාර පථයක පරිභ්‍රමණය වන කිලෝමීටර 11ක මධ්‍ය අරයක් සහිත අක්‍රමවත් හැඩැති කුඩා වස්තුවකි. එය පැය 7විනාඩි 39කින් කක්ෂයක් සම්පූර්ණ කරයි.