චීන ජනාධිපති ෂී ජින්පිං රුසියානු ජනාධිපති ව්ලැදිමීර් පූටින් සමග දුරකථන සංවාදයක නිරත වී ඇති බව විදෙස් වාර්තා පවසයි.
ඔවුන්ගේ සංවාදය අතරතුර ෂී සඳහන් කර ඇත්තේ, මේ වසරේ ආරම්භයේ සිට ගෝලීය කැලඹීම් සහ පරිවර්තනයන් හමුවේ ද්විපාර්ශ්වික සබඳතා හොඳ සංවර්ධන වේගයක් පවත්වා ගෙන ගිය බවයි.
දෙරට අතර ආර්ථික සහ වෙළෙඳ සහයෝගීතාව ස්ථාවර ප්‍රගතියක් අත්කරගෙන ඇති අතර, දෙරටේ දේශසීමා අධිවේගී පාලම ගමනාගමනය සඳහා විවෘත කර ඇති බවත්, දෙරට සම්බන්ධ කරන නව නාලිකාවක් නිර්මාණය කර ඇති බවත් ෂී පවසා ඇත.
ප්‍රායෝගික ද්විපාර්ශ්වික සහයෝගීතාවයේ ස්ථාවර හා දිගුකාලීන සංවර්ධනයක් සඳහා තල්ලු කිරීම සඳහා රුසියානු පාර්ශ්වය සමග කටයුතු කිරීමට චීන පාර්ශවය සූදානම් බවද ෂී අවධාරණය කර තිබේ.
නැගීඑන වෙළෙඳපොළ රටවල් සහ සංවර්ධනය වෙමින් පවතින රටවල් අතර සහයෝගීතාව සහ එක්සත්බව ප්‍රවර්ධනය කිරීම සඳහා රුසියාව සමග කටයුතු කිරීමට චීනය කැමැත්තෙන් සිටින අතර ජාත්‍යන්තර පිළිවෙල සහ ගෝලීය පාලනය වඩාත් සාධාරණ හා යහපත් දිශානතියක් කරා ගෙන යාමට එය තල්ලුවක් බවද කියයි.
මෙහිදී අදහස් දක්වමින් පූටින් පවසා ඇත්තේ, ජනපති ෂී ගේ ශක්තිමත් නායකත්වය යටතේ චීනය ලබා ඇති කැපී පෙනෙන සංවර්ධන ජයග්‍රහණ පිළිබඳව රුසියානු පාර්ශ්වය අවංකවම සුබ පතන බවයි.
වසර ආරම්භයේ සිට රුසියාව සහ චීනය අතර ප්‍රායෝගික සහයෝගීතාව ක්‍රමානුකූලව වර්ධනය වෙමින් පවතින බවත්, චීනය විසින් යෝජනා කරන ලද ගෝලීය ආරක්ෂක මුලපිරීම සඳහා රුසියාව සහාය දක්වන බවත්, ඊනියා උපක්‍රම භාවිත කරමින් චීනයේ අභ්‍යන්තර කටයුතුවලට මැදිහත් වීමට ඕනෑම බලවේගයකට විරුද්ධ බවත් පූටින් අවධාරණය කර තිබේ.
යුක්රේන ගැටලුව සම්බන්ධයෙන් ද රාජ්‍ය නායකයින් දෙදෙනා අදහස් හුවමාරු කරගෙන ඇත. ඓතිහාසික සන්දර්භය සහ ගැටලුවේ ස්වභාවය මත පදනම්ව චීනය සෑමවිටම ස්වාධීනව තත්ත්වය තක්සේරු කර ඇති අතර ලෝක සාමය සහ ගෝලීය ආර්ථික පර්යායේ ස්ථාවරත්වය සක්‍රීයව ප්‍රවර්ධනය කළ බව ෂී අවධාරණය කර ඇත.
යුක්රේන අර්බුදය නිසියාකාරව විසඳා ගැනීම සඳහා සියලු පාර්ශ්ව වගකීමෙන් යුතුව කටයුතු කළ යුතු බවත්, ඒ සඳහා චීනය තවදුරටත් සිය කාර්යභාරය ඉටු කරන බවත් ෂී වැඩිදුරටත් සඳහන් කර තිබේ.
