චීනය සහ ඉන්දියාව අතර දේශසීමා තත්ත්වය ලිහිල් කිරීම සහ උණුසුම සමනය කිරීම ප්‍රවර්ධනයට කිරීමට චීනය විශාල උත්සාහයක් ගත් බවත්, හමුදා දෙක අතර සබඳතාවල සමස්ත තත්ත්වය පවත්වා ගැනීම සඳහා සිය අවංකභාවය විදහා දැක්වූ බවත් චීනය කියයි.
දෙරටේ හමුදාවන්හි සේනාංකාධිපති මට්ටමේ සාකච්ඡා පැවැත්වීමෙන් පසුව චීන මහජන විමුක්ති හමුදාවේ බටහිර විධානයේ ප්‍රකාශකයෙකු වන ජ්‍යෙෂ්ඨ කර්නල් ලෝන්ග් ෂාවෝහුවා මෙසේ පවසා සිටියේය.
කෙසේ වෙතත්, ඉන්දියාව තවමත් සාධාරණ හා යථාර්ථවාදී නොවන ඉල්ලීම් අවධාරණය කළ බවත්, එමඟින් සාකච්ඡා වඩාත් දුෂ්කර වූ බවත් හෙතෙම වැඩිදුරටත් සඳහන් කළේය.
ජාතික ස්වෛරීභාවය ආරක්ෂා කිරීම සඳහා චීනයේ අධිෂ්ඨානය ස්ථිර බවත්, චීන-ඉන්දියා දේශසීමා ප්‍රදේශයන්හි අසීරුතාවයෙන් ජයගත් තත්ත්වය රැකගන්නා ලෙසත්, දෙරට සහ හමුදා දෙක අතර අදාළ එකඟතාවයන් හා එකඟතාවයන්ට අනුකූලව කටයුතු කරන ලෙසත් ඔහු ඉන්දියාවෙන් ඉල්ලා සිටියේය.
දෙරටේ දේශසීමා ප්‍රදේශවල සාමය සහ ස්ථාවරභාවය ආරක්ෂා කිරීම සඳහා ඉන්දියාව අවංකභාවය පෙන්විය යුතු අතර, චීනය සමඟ එක්ව කටයුතු කරනු ඇති බවත් චීන හමුදාව විශ්වාසය පළ කරයි.
