චීනයේ නව චන්ද්‍ර වර්ෂය ආරම්භ වීමත් සමග එරට තුළ පැතිර ඇති කොරෝනා වෛරසය වෙනත් නගරයන් වෙත පැතිර යාම පාලනය කිරීමට දැඩි පියවර ගෙන තිබේ.

කොරෝනා වෛරසය වුහාන් නගරයේ සොයා ගැනීමෙන් පසු අවම වශයෙන් මේ වනවිට පුද්ගලයින් 41 දෙනෙකු මිය ගොස් 1,300කට ආසන්න සංඛ්‍යාවක් ආසාදනය වී ඇති බව තහවුරු කරගෙන ඇත.

සංචාරක සීමාවන් දැනටමත් ක්‍රියාත්මක වන නමුත් ඉරිදා සිට නගරයේ මධ්‍යම දිස්ත්‍රික්කවලින් පෞද්ගලික වාහනද තහනම් කෙරිණි.

නව රෝගීන් 1,300ක් හැසිරවීම සඳහා සති කිහිපයකින් දෙවැනි හදිසි රෝහලක් ඉදිකිරීමට නියමිත බව බලධාරීහු පවසති.

රජයේ පුවත්පතක් වන පීපල්ස් ඩේලි පැවසුවේ රෝහල මාස භාගයකින් අවසන් කරන බවයි. එවැනි දෙවැනි වේගවත්ම ඉදිකිරීම් ව්‍යාපෘතිය මෙයයි: ඇඳන් 1,000කින් යුත් තවත් රෝහලක වැඩ දැනටමත් ආරම්භ කර ඇත.

මෙම වෛරසය පැතිර යාමේ කේන්ද්‍රස්ථානය වන හුබෙයි පළාතට විශේෂඥ හමුදා කණ්ඩායම්ද ගුවන් යානයකින් පැමිණ තිබේ.

මෙම සිදුවීම්වලින් පෙනී යන්නේ වෛරසය පැතිර යාම වැළැක්වීම සම්බන්ධයෙන් චීනය තුළ මෙන්ම ලොව වෙනත් ප්‍රබල රාජ්‍යයන් තුළද පවතින උනන්දුවයි.