ඇමෙරිකා එක්සත් ජනපදයේ, චිකාගෝ හි රෝස්ලන්ඩ් අසල්වැසි ප්‍රදේශයේ අවමංගල්‍ය උත්සවයක කඩා වැදුණු රියක්, එහි සිටම අවමංගල්‍යයට සහභාගී වූ අයට වෙඩි තැබීමක් සිදුකර පළාගොස් තිබේ.
මෙම වෙඩි තැබීමෙන් එම අවමංගල්‍ය උත්සවයට සහභාගී වූ පුද්ගලයින් තිදෙනෙකු තුවාල ලබා ඇති බව ප්‍රාදේශීය මාධ්‍ය වාර්තා කරයි.
මෙසේ තුවාල ලැබූවන් විශ්ව ප්‍රජා මිෂනාරි බැප්ටිස්ට් දේවස්ථානයේ අවමංගල්‍ය උත්සවයකට සහභාගී වෙමින් සිටියදී මෝටර් රථයකින් පැමිණි අයෙකු ඔවුන්ට වෙඩි තබා ඇති බව ප්‍රාදේශීය පොලීසිය පසුව සඳහන් කරනු ලැබීය.
කෙසේ වෙතත්, තුවාල ලැබූවන්ගේ තත්ත්වය බරපතළ නොවන බවත්, ඔවුන් යහපත් තත්ත්වයෙන් ප්‍රාදේශීය රෝහල්වල ප්‍රතිකාර ලබන බවත් පොලීසිය වැඩිදුරටත් සඳහන් කරයි.
සිද්ධිය සම්බන්ධයෙන් මෙතෙක් කිසිවෙකුත් අත්අඩංගුවට ගෙන නොමැති අතර, පොලීසිය වැඩිදුර විමර්ශන සිදුකරමින් සිටී.
