ගෝලීය යටිතල පහසුකම් සහයෝගීතාව සඳහා පුළුල් ඉඩක් පවතින බව චීනය විශ්වාස කරන බවත්, ඒ සඳහා වූ විවිධ මුල පිරීම්වලදී එකිනෙකට ප්‍රතිරෝධය දැක්වීමට හෝ ඒ වෙනුවෙන් තවත් එකක් කිරීමට අවශ්‍ය නොවන බවත් ඇමෙරිකාව වෙත අවධාරණයෙන් පැවසිය යුතුයි.
මාධ්‍ය වාර්තාවලට අනුව චීනයේ එක් මාවතක් තීරයක් මුල පිරීම අනුව යමින්, ඊට ප්‍රතිරෝධය දක්වන ගෝලීය යටිතල පහසුකම් වැඩසටහනක් දියත් කිරීමට එක්සත් ජනපද පරිපාලනයේ සැලසුම් පිළිබඳව අදහස් දක්වමින් චීන විදේශ අමාත්‍යාංශයේ ප්‍රකාශක වැන්ග් වෙන්බින් මෙසේ පැවසීය.
රටවල් අතර පාලම් කඩා බිඳ දැමීම වෙනුවට ඒවා ගොඩනඟා ගැනීමත්, විසංයෝජනයට වඩා සම්බන්ධතා ප්‍රවර්ධනය කිරීමටත් හුදකලා වීමට හෝ සුවිශේෂීත්වයට වඩා අන්‍යෝන්‍ය ප්‍රතිලාභ ලබාගැනීමට සහ ජයග්‍රාහී ප්‍රතිඵල ලබා ගැනීමට කටයුතු කළ යුතු බව වැන්ග් පැවසීය.
මීට වසර 08කට පෙර ආරම්භයේ සිටම එක් තීරයක් මාවතක් මුලපිරීම පුළුල් උපදේශන, ඒකාබද්ධ දායකත්වය සහ හවුල් ප්‍රතිලාභ යන මූලධර්ම අනුගමනය කර ඇති බව වැන්ග් පැවසීය. එසේම විවෘත, හරිත හා පිරිසිදු සහයෝගීතාවයේ දර්ශනය සහ ඉහළ ප්‍රමිතියෙන් යුතු ජනතා කේන්ද්‍රීය සංවර්ධනය, ඉදිකිරීම් ප්‍රවර්ධනය කර ඇති බවද හෙතෙම සඳහන් කළේය. විශාල සහයෝගීතා ව්‍යාපෘති සමූහයක්, සම්බන්ධතාවය ශක්තිමත් කරමින් එහි හවුල්කරුවන්ගේ ජනතාවට දැනෙන ප්‍රතිලාභ අත්කර දී ඇති බවද වැන්ග් අවධාරණය කළේය.
එය වඩාත් ජනප්‍රිය ජාත්‍යන්තර මහජන යහපත සහ විශාලතම සහයෝගීතා වේදිකාව බවට පත්ව ඇති බව ඔහු වැඩිදුරටත් පැවසීය.
"සියලු රටවල පොදු සංවර්ධනය සහ පුනර්ජීවනය දැඩි ලෙස ඉහළ නැංවීම සඳහා එක්සත් ජනපදය ස්ථිර ක්‍රියාමාර්ග ගනු ඇතැයි අපි බලාපොරොත්තු වෙනවා" ඔහු වැඩිදුරටත් සඳහන් කළේය.
