ගූගල් සමාගම තුළ සෙසු ව්‍යාපෘතීන් සහ සෙසු සේවකයන්ගේ දත්ත වෙත නිරන්තරයෙන් ඇතුළු වීමට කටයුතු කර ඇති සේවකයන් සිව්දෙනෙකු සේවයෙන් පහ කිරීමට ගූගල් සමාගම කටයුතු කර තිබේ.
"ප්‍රශංසා කිරීමේ හතර" ලෙස නම් කර ඇති මෙම සේවකයන්ගේ ගිවිසුම් සඳුදා දිනයේදී අවලංගු කර ඇත.
එහිදී, ගූගල් සමාගම සේවකයන් වෙත අභ්‍යන්තර ඊමේල් පණිවුඩයක් යොමු කරමින් පවසා තිබුණේ දත්ත සුරක්ෂිතතාව සහ සේවකයන්ගේ සුරක්ෂිතතාව වෙනුවෙන් මෙම පියවර ගත් බවයි.
නමුත් රැකියා අහිමිවූවන් පවසා ඇත්තේ “කතා කිරීම” නිසා ඔවුන්ට දඬුවමට ලක්වීමට සිදුවූ බවයි.
කෙසේ වෙතත්, මෙසේ රැකියාවෙන් සේවකයන් සිව්දෙනෙකු නෙරපීම සම්බන්ධයෙන් විරෝධය පා සමාගමේ සැන් ෆ්‍රැන්සිස්කෝ කාර්යාලයේදී සේවකයන් 200කගේ පමණ සහභාගීත්වයෙන් විරෝධතාවක් පැවැත්විණි.
ගූගල් හි ආරක්ෂක හා විමර්ශන කණ්ඩායම පවසන්නේ සේවකයන් සාමාන්‍යයෙන් වෙනත් ව්‍යාපෘති හා සේවකයන් පිළිබඳ තොරතුරු නුසුදුසු ලෙස ලබාගන්නා බවයි.
