ඩෙන්මාර්කයේ අගනුවර වන කෝපන්හේගන් හි සාප්පු මධ්‍යස්ථානයක සිදුවූ වෙඩි තැබීමකින් පුද්ගලයන් තිදෙනෙකු මිය ගොස් තවත් තිදෙනෙකු තුවාල ලබා ඇති අතර එක් සැකකරුවෙකු අත්අඩංගුවට ගත් බව ප්‍රාදේශීය පොලීසිය පවසයි.
දකුණු කෝපන්හේගන්හි අමගර් ප්‍රදේශයේ ෆීල්ඩ් සාප්පු මධ්‍යස්ථානයේ වෙඩි තැබීම් පිළිබඳ වාර්තා පොලිසියට ලැබුණු බව කෝපන්හේගන් ප්‍රධාන පොලිස් පරීක්ෂක සෝරන් තෝමසන් ඉරිදා සවස මාධ්‍ය හමුවකදී පැවසීය.
ප්‍රධාන පොලිස් පරීක්ෂකවරයා පැවසුවේ, පොලිසිය පැමිණ ටික වේලාවකින් සාප්පු සංකීර්ණයෙන් පිටතදී 22 හැවිරිදි ඩෙන්මාර්ක ජාතිකයෙකු අත්අඩංගුවට ගත් බවයි.
මෙතෙක් ත්‍රස්ත ප්‍රහාරයක් එල්ල වීමේ හැකියාව පොලිසියට බැහැර කළ නොහැකි බවද තෝමසෙන් පැවසීය.
ඩෙන්මාර්කයේ දකුණු කෙළවරේ පරිපාලන කලාපය තුළම පොලිසිය දැවැන්ත මිනිස් දඩයම් මෙහෙයුමක් දියත් කර ඇත. සිද්ධියෙන් පසු කෝපන්හේගන් මහ නගර සභාව හදිසි තත්ත්වයක් ප්‍රකාශ කර ඇත.
