රටේ ඖෂධ පරිපාලන ආයතනය වෙතින් නිල හරිත එළිය ලැබීමෙන් පසු ඉතාලිය කොවිඩ්-19 බූස්ටර් මාත්‍රාව හෙවත්, තෙවැනි එන්නත පරිපාලනය කිරීම අරඹා තිබේ.

සෞඛ්‍ය අමාත්‍යාංශය මේ මස මුලදී නිවේදනය කළ පරිදි, දුර්වල ප්‍රතිශක්තිකරණ පද්ධතියක් ඇති පුද්ගලයින් සඳහා ෆයිසර්-බයෝඑන්ටෙක් හෝ මොඩෙර්නා එන්නත්වල තුන්වැනි මාත්‍රාවන් ලබාදෙනු ඇත.

අවයව බද්ධකළ රෝගීන් වැනි ප්‍රතිශක්තිකරණයෙන් දුර්වල වූ පුද්ගලයන් පමණක් නොව, වැඩිහිටි පුද්ගලයන් සහ රැකවරණ නිවාසවල පදිංචිකරුවන්ද මෙයට ඇතුළත්ය. AIFA විසින් නිකුත් කරන ලද මාර්ගෝපදේශන මත පදනම්ව, සෞඛ්‍ය සේවකයන්ටද බූස්ටර මාත්‍රාවක් ලබාදෙනු ඇත.

ප්‍රතිශක්තිකරණයට ලක් නොවන පුද්ගලයන් සඳහා තුන්වැනි මාත්‍රාව කලින් ලබා දුන් මාත්‍රාවෙන් අවම වශයෙන් දින 28කට පසුවවත් ලබාගත යුතු බව නිර්දේශ කර ඇත.

මේ වනවිට ඉතාලියේ අපේක්‍ෂිත ජනගහනයෙන් 76%ක් පමණ (අවුරුදු 12 ට වැඩි) පූර්ණ ප්‍රතිශක්තිකරණය ලබා ඇති අතර, 82%කට අවම වශයෙන් එක් මාත්‍රාවක් හෝ ලැබී ඇති බව සෞඛ්‍ය අමාත්‍යාංශය දත්ත පෙන්වා දෙයි.

2020 පෙබරවාරි මාසයේදී ඉතාලියේ වසංගතය පැතිර ගියදා සිට මේ දක්වා කොරෝනා වෛරසය රෝගීන් මිලියන 4.6ක් පමණ තහවුරු වී තිබේ. මරණ 130,000කට අධික සංඛ්‍යාවක් වාර්තා වී ඇති අතර, මිලියන 4.4ක් සුවය ලබා ඇත.