තුර්කි ජනාධිපති රිසෙප් තායෙප් එර්ඩෝගාන් සහ ඔහුගේ බිරිඳ එමින් එර්ඩෝගාන් කොවිඩ්-19 සඳහා ධනාත්මක බව පරීක්‍ෂා කර ඇති බව තහවුරු වීමෙන් පසුව චීන ජනාධිපති ෂී ජින්පිං ඔවුන් වෙත ඉක්මන් සුවය පතා පණිවුඩයක් යවා තිබේ.
ෂී සිය පණිවිඩයේ සඳහන් කර තිබුණේ, තමා සහ ඔහුගේ බිරිඳ පෙන්ග් ලියුආන් මේ අවස්ථාවේදී ඔවුන් සමග සිටින බවත්, ඔවුන්ට ඉක්මන් සුවය ප්‍රාර්ථනා කරන බවත්ය.
වසංගතයට එරෙහි සටනේදී චීනය තුර්කියට අඛණ්ඩව සහාය දෙන බවද ෂී පැවසීය.
චීන-තුර්කි සබඳතා වර්ධනය කර ගැනීම සඳහා තමන් විශාල වැදගත්කමක් ලබාදෙන බවත්, දෙරට අතර ද්විපාර්ශ්වික උපායමාර්ගික සහයෝගීතා හවුල්කාරිත්වය නව මට්ටම් කරා ඔසවා තැබීමට එර්ඩෝගාන් සමග කටයුතු කිරීමට සූදානම් බවත් චීන ජනාධිපතිවරයා වැඩිදුරටත් පවසා තිබුණි.
