ට්විටර් සමාගම එලොන් මස්ක්ට එරෙහිව නඩු පවරනු ලැබුවේ ඔහු විසින් තාක්ෂණික සමාගම මිලදී ගැනීම සඳහා අත්සන් කළ ඩොලර් බිලියන 44ක කොන්ත්‍රාත්තුවක් කඩ කිරීම සම්බන්ධයෙනි.
ඔහු මෙම ගනුදෙනුවෙන් ඉවත්වීමේ උපාය "කුහකත්වයේ ආකෘතියක්" ලෙස හඳුන්වමින් අධිකරණ වෙත ට්විටර් සමාගම ඉදිරිපත් කළ චෝදනා පත්‍රයේ දැක්වෙයි.
එක්සත් ජනපදයේ ඩෙලවෙයාර් ප්‍රාන්තයේදී ගොනුකරන ලද නඩුව මගින් ට්විටර් මිලදී ගැනීම සඳහා එකඟ වූ ගනුදෙනුව සම්පූර්ණ කරන ලෙස ප්‍රකෝටිපතියාට නියෝග කරන ලෙස උසාවියෙන් ඉල්ලා සිටින අතර, කිසිදු මූල්‍ය වන්දියකින් ඔහු සිදුකර ඇති හානිය අලුත්වැඩියා කළ නොහැකි බවට තර්ක කර තිබේ.
