කැනඩාව සිකුරාදා දහවල් නව කොවිඩ්-19 ආසාදිතයන් 11,304ක් වාර්තා කළ අතර, මාධ්‍ය වාර්තාවන්ට අනුව සමස්ත ආසාදිත අගය 1,957,058ක් දක්වා ඉහළ ගොස් ඇත්තේ, සමස්ත මරණ 30,139ක්ද වාර්තා කරමිනි.

ඔන්ටාරියෝ, මැනිටෝබා, නිව් බ්‍රන්ස්වික් සහ ප්‍රින්ස් එඩ්වඩ් අයිලන්ඩ් යන පළාත්වල සිකුරාදා වාර්තාගත ඉහළ ආසාදන සංඛ්‍යාවක් වාර්තා කිරීමත් සමග කැනඩාවේ කොවිඩ්-19 ආසාදිතයන් අඛණ්ඩව ඉහළ ගොස් තිබේ.

වඩාත්ම ජනාකීර්ණ පළාත වන ඔන්ටාරියෝ හි නව කොවිඩ්-19 ආසාදිතයන් 9,571ක් වාර්තා කර ඇති අතර, එය 2020 පෙබරවාරි මාසයේ කොවිඩ්-19 වසංගතය පැතිරීමෙන් පසු එක් දිනක් තුළ වාර්තා වූ වැඩිම සංඛ්‍යාව බවද කියයි.

ඔමික්‍රෝන් ප්‍රභේදයේ වේගවත් ව්‍යාප්තිය හේතුවෙන් කැනඩාවේ කොවිඩ්-19 ආසාදිතයන් පසුගිය දිනවල ඉහළ ගොස් තිබේ.

පසුගිය ගිම්හානයේ සිට ආධිපත්‍යය දැරූ ඩෙල්ටා ප්‍රභේදය හා සැසඳීමේදී ඔමික්‍රෝන් ප්‍රභේදය ඉතා වේගයෙන් සම්ප්‍රේෂණය වේ. එමෙන්ම, ඔමික්‍රොන් ප්‍රභේදය එන්නත් මග හැරීමේදී දැඩි බවක්ද ඔප්පු කර ඇත.

කැනේඩියානු වෛද්‍ය විශේෂඥයින්ට අනුව, මහජන සෞඛ්‍ය ක්‍රියාමාර්ග දැඩි නොකළහොත් නව ප්‍රභේදය කැනේඩියානු ජනගහනය හරහා වේගයෙන් පැතිර යනු ඇතැයි යන ප්‍රක්ෂේපනවලට මෙම ගතිලක්ෂණ දෙකේ සංයෝජනය හේතු වී තිබේ.