ඕමාන බොක්කේදී තෙල් නැව් දෙකක සිදුවූ පිපිරීම් සමග එහි සිටි නැවියන් බේරාගැනුණු බව විදෙස් වාර්තා පවසයි.

ඉරානය පවසා තිබුණේ කොකෝකා කරේජස් නෞකාවේ සිටි නැවියන් 21ක් සහ ෆ්‍රන්ට් ඇල්ටෙයාර් නෞකාවේ සිටි නැවියන් 23 දෙනෙකු මෙසේ බේරා ගැනුණු බවයි.

කෙසේ වෙතත්, ලෝකයේ වඩාත් කාර්ය බහුලම නාවුක ඉන්ධන ප්‍රවාහන මාර්ගයක සිදුවූ මෙම පිපිරීම්වලට හේතුවක මෙතෙක් අනාවරණය වී නැත.

මීට මසකට පමණ පෙර එක්සත් අරාබි එමීර් රාජ්‍යයට ඔබ්බෙන් තෙල් ප්‍රවාහන නෞකා හතරක් වෙත ප්‍රහාර එල්ල වීමෙන් පසුව මෙම සිදුවීම මෙසේ වාර්තා වෙයි.

මාස 5කට පමණ පසුව අඩුම ඉන්ධන මිල වාර්තා වෙමින් පැවති පසුබිමක මෙම ප්‍රහාරයත් සමග ඉන්ධන මිල 4.5%කින් ඉහළ ගොස් ඇති බව බ්ලූම්බර්ග් වාර්තා පවසයි.