ඔස්ට්‍රියාවේ අභ්‍යන්තර කටයුතු අමාත්‍යාංශයේ දත්තවලට අනුව, වසංගතය ආරම්භයේ සිට ඔස්ට්‍රියාවේ වාර්තා වූ සමස්ත කොවිඩ්-19 ආසාදන සංඛ්‍යාව මිලියන 2ක් ඉක්මවා තිබේ.

මිලියන 9 ක පමණ ජනගහනයක් සිටින ඔස්ට්‍රියාව පසුගිය පැය 24 තුළ නව ආසාදිතයන් 32,258ක් වාර්තා කිරීමත් සමග සෙනසුරාදා මිලියන 2ක සීමාව ඉක්මවා ගියේය.

ඉතා බෝවන ඔමික්‍රෝන් ප්‍රභේදය හේතුවෙන් ඔස්ට්‍රියාව මෑතකදී කොවිඩ්-19 ආසාදනවල වැඩිවීමක් දැක තිබේ. පසුගිය සති දෙක තුළ රට තුළ දෛනික ආසාදිතයන් සංඛ්‍යාව 30,000ක් පමණ ඉහළ ගොස් තිබේ.

සෙනසුරාදා සිට ඔස්ට්‍රියාවේ කොවිඩ්-19 එන්නත් විධානය ක්‍රියාත්මක කර ඇති අතර, ඒ අනුව කොවිඩ්-19 එන්නත් ලබාගැනීම දැන් රටේ සියලුම වැඩිහිටියන්ට අනිවාර්ය කර ඇති අතර, ඊට අනුකූල නොවන්නන්ට දඩ මුදලක් පමුණුවන බව කියයි.