කොවිඩ්-19 වාර්තා වූ ආසාදන සහ මරණවල ගෝලීය අඩුවීමක් දක්නට ලැබුණත්, ඔමික්‍රොන් උප ප්‍රභේද මගින් මෙහෙයවනු ලබන රෝගීන්ගේ වැඩිවීමක් අප්‍රිකානු කලාපය අත්විඳින බවට ලෝක සෞඛ්‍ය සංවිධානය (WHO) අනතුරු අඟවයි.

"පසුගිය වසරේ අගභාගයේදී ඔමික්‍රොන් හඳුනාගත් දකුණු අප්‍රිකානු විද්‍යාඥයන් විසින් දකුණු අප්‍රිකාවේ ආසාදන වැඩිවීමට හේතුව ලෙස තවත් ඔමික්‍රොන් උප ප්‍රභේද දෙකක්, BA.4 සහ BA.5 වාර්තා කර තිබෙනවා." WHO අධ්‍යක්ෂ ජනරාල් ටෙඩ්‍රොස් අද්නොම් ගෙබ්‍රයේසුස් මාධ්‍ය හමුවකදී පැවසීය.

වසංගතයෙන් පසු දකුණු අප්‍රිකාවේ කොවිඩ්-19 ආසාදිතයන් මිලියන 3.7කට වැඩි ප්‍රමාණයක් සහ මරණ 100,000කට වඩා වාර්තා වී ඇත. BA.4 උප ප්‍රභේදය මුලින්ම හඳුනාගනු ලැබුවේ ජනවාරි මාසයේදී වන අතර, BA.5 උප ප්‍රභේදය පෙබරවාරි අගදී හඳුනා ගන්නා ලදී.

කෙසේ වෙතත්, ලෝක සෞඛ්‍ය සංවිධානයේ ප්‍රධානියා පැවසුවේ උප ප්‍රභේදවල ශක්තිය සහ බලපෑම් පිළිබඳ නිගමනවලට එළඹීමට ඉක්මන් වැඩි බවයි.