කැනේඩියානු අගමැති ජස්ටින් ටෘඩෝ මහජන ආරක්ෂාවට තර්ජනයක් වන බවට අනතුරු ඇඟවූ අර්බුදයක් අවසන් කිරීම වෙනුවෙන්, මධ්‍යම ඔටාවා ප්‍රදේශයේ රැඳී සිටින විරෝධතාකරුවන්ට එරෙහිව ක්‍රියාමාර්ග ගන්නා බවට අනතුරු අඟවා තිබේ.
කොරෝනා එන්නත්කරණය ඇතුළු සීමාවන්ට විරුද්ධ ට්‍රක් රථ රියදුරන් සති තුනකට ආසන්න කාලයක් ඔටාවා නගරයේ මාර්ග අවහිර කර ඇත. එය වෙනත් රටවල රාජ්‍ය විරෝධී විරෝධතාවලට අනුබල දුන් සහ එක්සත් ජනපදය සමඟ දේශසීමා මාර්ග තාවකාලිකව වසා දැමූ ව්‍යාපාරයක කේන්ද්‍රස්ථානය විය.
කෙසේ වෙතත් දඩ සහ සිරගත කිරීමේ තර්ජනය හේතුවෙන්, එක්සත් ජනපද දේශසීමා ස්ථාන හතරකින් මේ සතියේ පසුබැසීමට විරෝධතාකරුවන්ට ඒත්තු ගැන්වීමට උපකාරී විය.
එසේ වුවද තවමත් පිටවී නොමැති විරෝධතාකරුවන් පලවා හැරීමට කැපවී සිටින බවට ඔටාවාහි පොලීසියද එවැනිම අනතුරු ඇඟවීම් නිකුත් කර ඇත.
"අපි අපගේ සම්පත් ශක්තිමත් කරමින්, පැහැදිලි සැලසුම් සකස් කරමින් සහ ක්‍රියාමාර්ග ගැනීමට සූදානම් වෙමින් සිටිනවා. මේ දැඩි ක්‍රියාමාර්ගය ගැනීමට ආසන්නයි" ඔටාවා පොලීසිය පැවසීය. "නීති විරෝධී විරෝධතාවල යෙදී සිටින අයට, ඔබට ඔබේම කොන්දේසි යටතේ ඉවත් වීමට අවශ්‍ය නම්, දැන් එය කිරීමට කාලයයි."
