උගන්ඩාවේ කම්පාලා අගනුවර සිදුවූ ද්විත්ව බෝම්බ පිපිරීම්වලින් මරාගෙන මැරෙන බෝම්බකරුවන් තිදෙනෙකු ඇතුළු හය දෙනෙකු මිය ගොස් තවත් 33 දෙනෙකු තුවාල ලබා ඇති බව පොලීසිය පවසයි.
පොලිස් මාධ්‍ය ප්‍රකාශක මාධ්‍යවේදීන් අමතමින් කියා සිටියේ මධ්‍යම පොලිස් ස්ථානයේ මුරපොලකදී සහ පාර්ලිමේන්තු මාවතේ මරාගෙන මැරෙන බෝම්බකරුවන් තිදෙනෙකු බෝම්බ පුපුරුවා ගත් බවයි.
තුවාල ලැබූවන් වහාම මුලගෝ ජාතික යොමු රෝහල වෙත රැගෙන ගිය අතර ත්‍රස්ත මර්දන ප්‍රතිචාර කණ්ඩායම් හතරවන මරාගෙන මැරෙන බෝම්බ ප්‍රහාරකයා ලුහුබැඳීමට සමත් වූ බවද හෙතෙම සඳහන් කළේය.
මධ්‍යම අප්‍රිකාවේ ඉස්ලාමීය රාජ්‍යයට අනුබද්ධිත මිත්‍ර ප්‍රජාතන්ත්‍රවාදී හමුදාවේ ලක්ෂණ මෙම පිපිරීම්වලින් සමන්විත බව පොලිස් ප්‍රකාශකවරයා වැඩිදුරටත් සඳහන් කළේය.
නවතම ප්‍රහාර එල්ල වූයේ මධ්‍යම උගන්ඩාවේ පුද්ගලයන් දෙදෙනෙකු මිය ගොස් තවත් කිහිප දෙනෙකු තුවාල ලැබූ තවත් පිපිරීම් දෙකකින් සති තුනකට පමණ පසුවය.
