දකුණු කොරියානු ජනරජයේ ඒකාබද්ධ මාණ්ඩලික ප්‍රධානීන් පවසන පරිදි, මෙම මාසයේ සිව්වැනි පරීක්ෂණයේදී, උතුරු කොරියාව නැගෙනහිර මුහුදට තවත් මිසයිල දෙකක් අත්හදා බලා තිබේ.
ඔවුන් නිවේදනයක් නිකුත් කරමින් කියා සිටියේ බැලස්ටික් මිසයිල යැයි විශ්වාස කෙරෙන මෙම මිසයිල පියොංයැං හි සුනන් ජාත්‍යන්තර ගුවන්තොටුපළ අසල ප්‍රදේශයකින් අහසට එසවුණු බවයි.
"දැනට, අපගේ හමුදාව අදාළ (උතුරු කොරියානු) චලනයන් ලුහුබැඳීම සහ අධීක්ෂණය කිරීම සහ සූදානම ඉරියව්ව පවත්වාගෙන යමින් සිටිනවා" ඒකාබද්ධ මාණ්ඩලික ප්‍රධානීන් තවදුරටත් විස්තර කළේය.
මේ අතර ජපාන රජයද දියත් කිරීම තහවුරු කළේය.
උතුරු කොරියානු මධ්‍යම ප්‍රවෘත්ති ඒජන්සිය පසුගිය සතියේ තහවුරු කළේ දුම්රිය මිසයිල රෙජිමේන්තුව සිකුරාදා උපායශීලී මිසයිල දෙකක් අත්හදා බැලූ බවයි. එසේම ජනවාරි 5 සහ ජනවාරි 11 යන දිනවල පිළිවෙළින් හයිපර්සොනික් මිසයිල සාර්ථකව අත්හදා බැලූ බවද උතුරු කොරියාව පැවසීය.
