නීතිවේදි ඔරි සාබිගේ තොරතුරු දැනගැනීමේ නිදහස ඉල්ලීමකට ප්‍රතිචාර වශයෙන් රටේ සෞඛ්‍ය අමාත්‍යාංශය විසින් නිකුත් කරනලද දත්තවලට අනුව, ඊශ්‍රායලයේ වයස අවුරුදු 50ට අඩු එකදු නිරෝගී පුද්ගලයකුවත් කොවිඩ්-19 නිසා මිය ගොස් නැති බව අනාවරණය විය.

නිධන්ගත රෝගී තත්ත්වයන් නොමැති වයස අවුරුදු 50 ට අඩු රෝගීන්ගේ කොවිඩ්-19 මරණ සංඛ්‍යාව ඉල්ලා සිටීමට අමතරව, එන්නත් තත්ත්වය අනුව බෙදා දක්වමින් මියගිය රෝගීන්ගේ සාමාන්‍ය වයස ලබාදෙන ලෙසද මෙහිදී එරට සෞඛ්‍ය අමාත්‍යාංශයෙන් ඉල්ලා තිබුණි.

අමාත්‍යාංශයට අනුව, කොවිඩ්-19 එන්නත් කළ අය අතර මරණවල සාමාන්‍ය වයස අවුරුදු 80.2ක් වූ අතර, එන්නත් නොකළ අයගේ සාමාන්‍යය 77.4ක් විය.