පකිස්තාන අගමැති ඉම්රාන් ඛාන් සිය දේශපාලන ජීවිතයේ විශාලතම අභියෝගයට මුහුණ දී සිටින අතර, විපක්ෂය විශ්වාසභංගයකින් ඔහු ධුරයෙන් ඉවත් කිරීමට සූදානමින් සිටියි.
ඛාන්ගේ අනාගතය නූලක එල්ලී ඇති බව පෙනෙන බැවින් යෝජනාව විවාදයට ගැනීම සඳහා රටේ නීති සම්පාදකයන් බ්‍රහස්පතින්දා රැස්වුණු අතර, එලැඹෙන සඳුදා වනවිට ඡන්දයක් පැවැත්වීමට නියමිතය.
හිටපු ක්‍රිකට් පුරාවෘත්තයට එරෙහිව ආසන 342කින් යුත් ජාතික සභාවේ 172ක සරල බහුතරයක් විසින් ඔහුගේ අගමැති ධුර කාලය කෙටි කරනු ඇති බව කියයි.
බදාදා දිනයේ ඔහුගේ ප්‍රධාන සභාග සගයා වන MQM පක්ෂය, එරට විපක්ෂයට එක් වූ විට මැජික් අංකය කැඩී ගියේය. එනම් මේ වනවිට ආණ්ඩුවට ඡන්ද 164ක්ද, විපක්ෂයට දැන් ඡන්ද 175ක්ද ලැබී තිබේ.
2018 ජුලි මාසයේදී තේරී පත් වූ ඉම්රාන් ඛාන්, දූෂණය මැඬලීමට සහ ආර්ථිකය නිවැරදි කිරීමට පොරොන්දු වෙමින් සිය ආධාරකරුවන් අතර ඉතා ජනප්‍රිය පුද්ගලයෙකු බවට පත්විය.
කෙසේ වෙතත්, රට තුළ භාණ්ඩ මිල ඉහළ යාම සහ උද්ධමනයට එරෙහිව රට පුරා විරෝධතා මතුව ඇති අතර, මෙහි කූඨප්‍රාප්තියක් ලෙස ජනපතිට එරෙහි විශ්වාසභංගය කරළියට පැමිණ ඇත.
පකිස්තාන දේශපාලන ඉතිහාසයේ මින්පෙර අගමැතිවරුන් විශ්වාසභංගයකට මුහුණ දුන් අවස්ථා දෙකක් පමණක් ඇති අතර, 1989 දී බෙනාසීර් භූතෝ සහ 2006 දී ෂවුකට් අසීස් යන අවස්ථා දෙකේදීම කිසිදු හානියක් සිදු නොවීය.
එහෙත් වත්මන් පාර්ලිමේන්තු ගණනය කිරීම් පැහැදිලිව පෙන්වා දෙන්නේ ඛාන් දැනටමත් දරුණු පරාජයක් ලබා ඇති බවය.
