ඉතාලියේ නව කොරෝනා වෛරසය ආසාදිතයන් මාස තුනකට පසු ප්‍රථම වරට දෛනිකව 600ක් ඉක්මවා ගොස් තිබේ.

ඉතාලි සෞඛ්‍ය අංශ පෙන්වා දෙන පරිදි සංචාරකයන් සහ නිවාඩු ගත කරන පුද්ගලයන් නැවත පැමිණීම කැසලෝඩ්වල මෙසේ ආසාදිතයන් වැඩිවීමට ප්‍රධාන සාධක වී ඇත.

ඒ අනුව ඊයේ දිනයේ එරට සෞඛ්‍ය අමාත්‍යාංශය විසින් නව කොරෝනා වෛරස ආසාදිතයන් 629ක් ලියාපදිංචි කර ඇති අතර, තහවුරු වූ සමස්ත ආසාදිතයන් සංඛ්‍යාව 253,438ක් ලෙස මේ වනවිට දැක්වෙයි.

අවසන් වරට දෛනික ආසාදිතයන් සංඛ්‍යාව 600 ඉක්මවා ගොස් තිබුණේ මැයි 23දා වන අතර, එදින ආසාදිතයන් 669ක් ලෙස දැක්වුණි.

මීට සති කිහිපයකට පෙර ඉතාලියේ දෛනික ආසාදිතයන් සංඛ්‍යාව 200ක පමණ සීමාවේ පැවති අතර, මේ වනවිට එරට තහවුරු වූ සමස්ත මරණ සංඛ්‍යාව 35,392කි.