ඇමෙරිකා එක්සත් ජනපදයේ දිනක් තුළ වැඩිම කොවිඩ්-19 මරණ වාර්තා වෙමින්, ගෙවීගිය පැය 24 තුළ මරණ 1,736ක් සිදුව ඇති බව විදෙස් වාර්තා පවසයි.

ජෝන්ස් හෝප්කින්ස් විශ්වවිද්‍යාල දත්ත පෙන්වා දෙන පරිදි මේ වනවිට ඇමෙරිකාවේ සමස්ත කොවිඩ්-19 මරණ 12,844ක් ලෙස සටහන් වෙයි.

එමෙන්ම මේ දක්වා එරට තුළ කොවිඩ්-19 ආසාදිතයන් ලක්ෂ 4කට ආසන්න වෙමින්, 398,185ක් දක්වා ඉහළ ගොස් තිබේ.

මීට පෙර එරට නව කොරෝනා වෛරසයේ වැඩිම මරණ වාර්තා වූයේ පසුගිය 4 වැනිදාය. එම අගය 1,344ක් විය.

කොවිඩ්-19 වෛරසය පැතිර යාමේ අපිකේන්ද්‍රය බවට මේ වනවිට ඇමෙරිකාව පත්ව ඇති අතර, කොවිඩ් ආසාදනය වීමෙන් නිවෙස් තුළ සිදුව වාර්තා නොවූ මරණද ඔවුන් මේ වනවිට ගණනය කරන බව විදෙස් වාර්තා වැඩිදුරටත් පවසයි.