එක්සත් ජනපද ප්රජාතන්ත්රවාදයේ ගැටලු විසඳිය හැක්කේ ඇමෙරිකානු ජනතාවට පමණක් බවත්, ව්‍යාජ ප්‍රජාතන්ත්‍රවාදය නිසැකවම ජාත්‍යන්තර ප්‍රජාවේ ප්‍රතිරෝධයට මුහුණදෙනු ඇති බවත් චීන විදේශ අමාත්‍යාංශයේ ප්‍රකාශක වැන්ග් වෙන්බින් කියා සිටියේය.
දෛනික මාධ්‍ය හමුවකදී මේ බව ප්‍රකාශ කළේ එක්සත් ජනපද ජාතික මහජන ගුවන්විදුලිය විසින් මෑතකදී කරන ලද මත විමසුමක ප්‍රතිඵල පිළිබඳ විමසුමකට ප්‍රතිචාර වශයෙනි. එහිදී ඇමෙරිකානු ජනතාවගෙන් 81%ක් රට තුළ ප්‍රජාතන්ත්‍රවාදය දැඩි තර්ජනයකට මුහුණ දී සිටින බව විශ්වාස කරයි.
ඇමෙරිකානු ජනතාව තම රටේ ප්‍රජාතන්ත්‍රවාදය දෙස බලන ආකාරය පිළිබඳව අදහස් දැක්වීමට චීනය උනන්දුවක් නොදක්වන බව සඳහන් කළ වැන්ග්, ප්‍රජාතන්ත්‍රවාදය ඇතැම් රටවල් සතු පේටන්ට් බලපත්‍රයකට වඩා සියලු ජනයාට හිමි අයිතියක් විය යුතු බව අවධාරණය කළේය.
රටක් ප්‍රජාතන්ත්‍රවාදීද නැද්ද යන්න තීරණය කළ යුත්තේ පිටතින් එන කිහිප දෙනෙකුට වඩා එහි ජනතාව විසින් බව ඔහු පැවසීය. "ප්‍රජාතන්ත්‍රවාදය සාක්ෂාත් කර ගැනීමට විවිධ ක්‍රම තිබෙන අතර, සියලුම රටවල් එකම රටාව අනුගමනය කරනු ඇතැයි අපේක්ෂා කළ නොහැකියි."
එක්සත් ජනපදයේ ප්‍රජාතන්ත්‍රවාදයට ඔවුන්ගේම ගැටලු ඇති බවත්, මෙම ගැටලු වෙනත් රටවලට වඩා ඇමෙරිකානු ජනතාවටම පමණක් විසඳිය හැකි බව වැන්ග් වැඩිදුරටත් පැවසීය.
විවිධ රටවල ප්රජාතන්ත්රවාදයේ මංපෙත් සහ මාත‍්‍රාවන් ස්වකීය ජාතික තත්ත්වයන්ට සහ සංවර්ධනයට ගැළපිය යුතු බවත්, එම රටවල පුරවැසියන් විසින්ම ගවේෂණය කර සංවර්ධනය කළ යුතු බවත් ඔහු සඳහන් කළේය.
බලහත්කාරයෙන් සහ පීඩනයෙන් තමාගේම ප්‍රජාතන්ත්‍රවාදී ක්‍රමය හඹා යෑම එම ප්‍රජාතන්ත්‍රවාදය මුළුමනින්ම උල්ලංඝනය කිරීමක් බවත්, එය ප්රජාතන්ත්රවාදයේ කඩතුරාව යටතේ පවතින ආධිපත්‍යවාදයක් බවත්, එය බෙදීම හා ගැටුම තීව්‍ර කර ගැටුම් හා අවුල්සහගත තත්ත්වයකට හේතු වන බවත් ඔහු පෙන්වා දුන්නේය.
"මෙවැනි ව්‍යාජ ප්රජාතන්ත්රවාදයේ ක්‍රියාවන් ජාත්‍යන්තර ප්‍රජාවේ ප්‍රතිරෝධය සහ විරුද්ධත්වය සපුරාලනු නිසැකයි" ප්‍රකාශකයා වැඩිදුරටත් පැවසීය.
