මෘදු සිට මධ්‍යස්ථ කොවිඩ්-19 තත්ත්වයන් සඳහා ප්‍රතිකාර කිරීම සඳහා ඇමෙරිකානු ඖෂධ සමාගමක් වන මර්ක් විසින් නිෂ්පාදනය කළ ඖෂධ පෙත්තකට එක්සත් ජනපද ආහාර හා ඖෂධ පරිපාලනය (FDA) අවසර ලබා දී ඇත. ෆයිසර් සමාගමේ ඖෂධ පෙත්තට අවසර ලබාදීමෙන් පසුව එරට තුළ මුඛයෙන් ලබාදෙන දෙවැනි කොවිඩ්-19 ඖෂධය බවට එය පත්වෙයි.

FDA හි තීරණය මගින් ඉහළ අවදානම් සහිත පුද්ගලයින් රෝහලෙන් බැහැරව තබා ගැනීමට උපකාර කිරීම සඳහා නිවසේදීම කොවිඩ්-19 සඳහා විකල්ප ප්‍රතිකාරයක් ලෙස මෙය සැලකෙයි.

Molnupiravir ලෙස හැඳින්වෙන මෙම ඖෂධය, සෘජු SARS-CoV-2 වෛරස් පරීක්ෂණවල ධනාත්මක ප්‍රතිඵල සහිත, සහ දරුණු කොවිඩ්-19 දක්වා වර්ධනය වීමේ වැඩි අවදානමක් ඇති වැඩිහිටියන් සඳහා භාවිත කිරීමට අවසර ඇත. කෙසේ වෙතත් Molnupiravir ලබාගත හැක්කේ බෙහෙත් වට්ටෝරුවකින් පමණක් වන අතර කොවිඩ්-19 රෝග විනිශ්චය කිරීමෙන් පසු සහ රෝග ලක්ෂණ ආරම්භ වී දින පහක් ඇතුළත හැකි ඉක්මනින් ආරම්භ කළ යුතු බව FDA පවසයි.

FDA ට අනුව, Molnupiravir ඖෂධය අස්ථි හා කාටිලේජ වර්ධනයට බලපෑම් කළ හැකි නිසා, වයස අවුරුදු 18ට අඩු රෝගීන් සඳහා පෙති භාවිතා කිරීමට අවසර නැත.